Lukàrzɛ̀ 18:33 - Mokpwe: Bakwery (New Testament)

³³ Hwa mò gbiyɛ̀ hvònjì, rzìi hwa mò òŋwà. Ndi ò mburzà menya meyawò, à hvùmùwà.”

Lukàrzɛ̀ 18:33 ပူးပေါင်းရင်းမြစ်များ

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Lukàrzɛ̀ 18:32

Hwa mò ŋgba ò màa, ma hwatò ema hwa rza enje wònyà Yudà. Hwa mò kìkòwà, hwa mò hwɛnyɛ̀ nà lì mò rzɔ̀yeyà hvɛ hweyɔlì.

Lukàrzɛ̀ 18:34

Hwàŋga hwà-òkòwèlì, hwa rzi rzɔ̀ŋgìtɛ̀nɛ̀ mamɛ ya arzɛ ema a mà òhwe. Mònò ŋmàna mò mà hwa aka lìhwiyè. Hwa rzi hwiyè mamɛ a mà hwɛ lì òhwà.

Lukàrzɛ̀ 24:21

Ì mà àhvìtɛ̀ nanù ema, mɔ̀ ndì à ò òŋgìrzɛ̀ wònya Irzàyɛ̀lì. Lì aka hvɛ tɔ̀ nanù, yàwònò ndi ò gbèyi mèenyà meyàwò ema enè eyà è mà gbèyɛ̀nɛ.

Lukàrzɛ̀ 24:7

À mà òhwa nanù ema, ‘È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa wòhwe. À wòmàyilɛhwɛ̀ ò mbarza, à ŋwa. O mèenyà meyawò à hvùmùwà.’”