Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lukàrzɛ̀ 16:28 - Mokpwe: Bakwery (New Testament)

28 Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

အခန်းကိုကြည့်ပါ။ ကော်ပီ




Lukàrzɛ̀ 16:28
16 ပူးပေါင်းရင်းမြစ်များ  

Èŋge èhwàŋgì ya mòtò rzìi e òhweyà Abràhamù nanù ema, ‘Ìi tatà, nà ò rzòrzòmelì òma Làrzàrɔ̀rzì ò ndawò yà ama rzàŋgò wà amì.


Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.


Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.


Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”


Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.


Nà hwi ndi nanù ema ò tɔ ima mbòwa ndɛnɛ ema na ɛndɛ, Èlìŋgɛ̀ yà Wòtani e nò kòkòwɛ̀lɛ̀ nanù ema hwèwòwà na mètàkà me hwèlì me nò ambɛ̀lɛ̀.


Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.


O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”


Ndi tɔ̀ nanù natɛ̀ɛ na ò wònò wùnyà wò yawònò, Lohwɛ̀ ndi à hwèlì a nò òŋgòwàna. O eŋgànɛlɛ nà tɛmi ndi ànu ò lì e òhweyà inyɔ hwa arzɛ e jɔ̀kɛ̀. Tɔ̀ e hwɛ ndi hwatò ema hwa hwɛni wòlìtò tɔ̀ hwatò ema hwa rza hwɛnɛ wòlìtò. Hweya ema na òhwa hwe hwèlì ndi nyàyi hvɔ̀kɔ ya hweyà ema hwà-òhwèlì hwa hwèlìŋgɛ̀ na Mòrzè hwà mà òhwe nanù ema hwe ò gbèyɛ̀nɛ.


O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.


È hvònda ema Petrò na Yòwanìrzɛ̀ hwà mà kulɛ ò lì òhwa hweyà hwe arzɛ lì hvòmɛ̀nɛ̀ Yerzù na lì kulɛ lì òhwa ŋmɛ̀ndì mò ama Rzàŋgò, rzìi hwa timba ò mbòwa ya Jèrurzalɛ̀mù. O hwetimbelì hwe awu, hwà mà hwɛ lì òhwa Ŋmɛ̀ndì mò Gbamù mò ama Yerzù ò mambòwà mà rzayi-rzayi ja hwèrzòokà hwe Rzàmàrìyà.


Nà e kòkòwɛ̀lɛ̀ hvɛ ŋgèlì hvɔ̀kɔ nanù ema, tɔ̀ ima mòtò ema aŋgbɛ mɔ̀ ŋmìti nanù ema a endahwe aŋga nanù Lohwɛ̀ a mo emeyà, a àŋgàmɛ̀nɛ̀yi lì ika imbenda ya arzɛ.


O lìinà la ama Rzàŋgo, na e kòkòwɛ̀lɛ̀ kɔ̀yi-kɔ̀yi nanù ema e rzi lìya lòŋgɛ nàa hwatò ema hwa rza hwiyɛ̀ɛ Lohwɛ̀. Hweya ema hwa lùtèyà hwe hwèlì ndi hweyà ema hwe rza hwɛnɛ wòlìto ndeŋgànɛ̀lɛ̀ hwene hweyà hwe rza tànɛyi lì hwa oŋgowàna.


Inyɔ e hwi nanù ema i ma e aŋgoweya gbamù na oma e rzàŋgo e aŋgoweya hwàanà hwa eni.


O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ