Lukàrzɛ̀ 14:28 - Mokpwe: Bakwery (New Testament)

²⁸ “Ima mɔ̀ wà ànyu ema, à àrza lì òŋgà yòma ndawò ndɛnɛ̀, rzìi a rzì lòme lì lìya ò rze, ò lì kɔkɔ̀ wòlì wò arzɛ ema wò àrzàhwa ò wònò wòòŋgì. O lì hwiya ŋgà à ò tanɛ ò lì wò kulɛ̀, ŋgà a rza ò tanɛ̀yi lì wò kulɛ e?

Lukàrzɛ̀ 14:28 ပူးပေါင်းရင်းမြစ်များ

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 14:29

Oŋgò mòtò, à kɔkì tɛ mɔ̀nɔ̀ŋgɔ rzìi à rzì tanɛ lì kulɛ̀ wòòŋgì, tɔ̀ njɛnɛ ema a ɛni mòŋgò mɔ̀nɔ̀ŋgɔ̀, à mò kìkòwà à òhwà

Lukàrzɛ̀ 14:33

Nànù ndi e hwɛnì lì hwɛ nà tɔ̀ njɛnɛ hvɛ ema à rza àrzà lì ulɛ hwèèmà hwe arzɛ ò mèèmà mò eni. Èŋge tumba mòtò e rza kànɛyi lì hwɛ è mòòkòwèlì wà amì.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”