Lukàrzɛ̀ 1:43 - Mokpwe: Bakwery (New Testament)

⁴³ Mamɛ ndeŋgàtɛ nà ŋgbàahwì èluhwe nanù e? Nɛ è nyàŋgò yà ama e Rzàŋgò e hwɛnì lì nò jèeya e?

Lukàrzɛ̀ 1:43 ပူးပေါင်းရင်းမြစ်များ

Matiyò 12:46

Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi

Matiyò 3:14

Ndì Yòwanìrzɛ̀ à mà keka lì mò gbèya nanù ema à eŋgòwe ŋmèma mò eni, rzìi à mò òhwèyà nanù ema, “Nà òma è hwèlì ndi nanù ema ò wà ndi ò hwɛnì lì nò lùhwìrzɛ̀, mamɛ ndeŋgatɛ ò nò jèeya ema nò lùhwìrzɛ̀ e?”

Lukàrzɛ̀ 1:42

Èlìrzabɛ̀tì rzìi a òhweyà Màlìyɛ̀ nà lìlò lì karzami nanù ema, “Ò nàmìrzɛ̀hwɛ̀yi ò ìtììtènì yà wònyà hwalanà hwa arzɛ, mònàmɛ̀ hvɛ nà è ŋmanà ema o ò ŋya.

Lukàrzɛ̀ 1:44

Nà òmà iikɔ̀mi ja aŋgɔ̀ ì nò kpèelì ò màtò, ŋmɛ̀ɛŋgɛ mò anyìŋgìrzɛ̀nɛ̀ ò èwònì ya amì nà mɔ̀nyɛ̀ŋgì.

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 7:7

Nà rza ukì hvɛ tɔ̀ nàa mɔ̀kɔ ema à tanɛ lì ò jèeya. Ohwa ndi eyà yɔ̀kɔ mɛnɛ aŋga nanù, e mògbèèlì wa amì à mà wɔ̀wɔ̀.

Yòwanìrzɛ̀ 13:13

Inyɔ e nò hwɛlɛ Mòòkòlèlì, na Rzàŋgò, ndèŋgàna e hvòmɛ̀nɛ̀yi, èhwanja nanù ndi imba na hwèlì.

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,