Kòlòrzìyà 3:14 - Mokpwe: Bakwery (New Testament)

¹⁴ Ndeŋgànɛ̀lɛ̀ ò ŋmanyu yà hwene hweyà hwe arzɛ, è alìŋgànɛ mɔ̀kɔ nà ɔ̀nɛyi. È ndìŋgɛ ndi è rzàŋga hweyà hwe arzɛ.

Kòlòrzìyà 3:14 ပူးပေါင်းရင်းမြစ်များ

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Yòwanìrzɛ̀ 15:12

È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Ròmànì 13:8

È rzi keka, ò lì òhvana tɔ̀ mòtò tɔ̀ lìyɛmɛ. Liyɛmɛ mɛnɛ ema e hwɛni, lì hwèlì ndi ò lì lìŋgàna mɔ̀kɔ na ɔ̀nɛyi. Tɔ̀ ima mòtò ema a gbèyi nanù, nanù ò ma a ika e mbenda ya arzɛ.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 4:3

Èlìŋgɛ̀ yà Wòtani è mà jò gbeyà ò lì hwɛ mòtò mɔ̀kɔ, ò èŋgànɛ̀lɛ̀ è keke ò lì hwɛ ò ɛ̀yɔ̀lɛ̀ mɔ̀kɔ nà ɔ̀nɛyi aŋga nanù è hwɛ ndi mòtò mɔ̀kɔ.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.