Kòlòrzìyà 3:13 - Mokpwe: Bakwery (New Testament)

¹³ È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

Kòlòrzìyà 3:13 ပူးပေါင်းရင်းမြစ်များ

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Makòrzì 11:25

Ò tɛmì tɛ ò màkanɛ̀, rzìi e hwɛ nanù ema, ò òhvanì mòtò hwètàtò ò ŋmèma, ò mò làkìrzɛ̀. Àŋga nanù Tatɛ̀ wa àŋgɔ wà ŋmanyu yà lohwà mɔ̀ hvɛ à ò làkìrzɛ̀ è me àŋgɔ wòhwe.”

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Ròmànì 15:7

Imanɛlɛ mɔ̀kɔ na ɔ̀nɛyi, na òma Krirztò a e imanɛlɛ inyɔ, aŋga nanù hwatò hwa tanɛyi ò lì eka Lohwɛ̀.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

2 Kɔ̀rintìyà 6:6

Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 4:32

Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

Jèmìrzì 2:13

Èhwànja Lohwɛ̀ a rza o uŋmɛ̀lɛ̀ ììlì ja eni e hwèlì tɛ nanù ema mɔ̀ à o kàyìrzɛ e mòtò ema mɔ̀ à rza uŋmɛ̀lɛ̀ ohvɛhvɛ ììlì. Ndi e mòtò ema a hwɛnelì hwahvɛhvɛ hwatò ììlì, mɔ̀ à rza o òka wɔ̀ŋgɔ̀ o wùnyà ema Lohwɛ̀ a o mo kàyìrzɛ.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.