Kòlòrzìyà 2:22 - Mokpwe: Bakwery (New Testament)

²² Iŋgi mbenda ja arzɛ ja ɛnɛ hweyà ema hwe rza enje tɔ̀ eyà hvɛ e hwèlì tɛ nanù ema mòtò à mà loma lì hwe gbeyàna. Iŋgi mbenda i hwèlì ndi mbenda na hwèyòkòlèlì ema hwatò hwa hwènàmà hwà mà wondɛ̀ na mahwiye ma awu.

Kòlòrzìyà 2:22 ပူးပေါင်းရင်းမြစ်များ

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

1 Kɔ̀rintìyà 6:13

Ohvɛhvɛ mòtò a tànɛyi lì ohwa nanù ema, “Molelì mò gbeyàhwi ndi ò lùuŋga, rzìi lùuŋga lɔ̀hvɛ lì gbeyàhwi ndi o mòlelì.” È jɔ̀kɛ̀, ndi o ò jà wùnyà ema Lohwɛ̀ a hwe hvaŋga hwe ahwàkɛ. È nyo ya arzu e rzi wèkahwì ndi ò lì gbeyà mòrzònje. Ndi è nyo yà àrzu è mà wèkahwà ndi lì gbèeyà Rzàŋgo; Rzìi Rzàŋgo a ɔ̀ŋgeyà è nyo yà àrzu.

Kòlòrzìyà 2:21

Hwàŋga hwà-òkòlèlì hwa mòlàŋga hwa e ohweyà nanù ema, “È rza lɛmbɛ ene, e rza keka hvɛ eŋge o wàna, e rza lɛmbɛ hvɛ enɛyi.”

Tàyìtùrzì 1:14

Àŋga nanù wɔ̀ hwa rza o lòkɛ̀ mèndèŋga me ŋgundu me wònyà Yudà ndèŋgànɛ̀lɛ̀ hwa rza oŋgama hweyà ema hwatò ema hwa rzɔ̀rzɔ̀ hwèyòkòlèlì hwe jɔ̀kɛ̀ hwa ohwa.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

Hwèwulùwèlì 17:18

È molanà ema ò mà ɛnɛ à hwèlì ndi è mbowà ndɛ̀ɛ̀ndɛ̀ ema è kànèyà ikìŋgɛ jà è rze yà arzɛ.”