Kòlòrzìyà 1:29 - Mokpwe: Bakwery (New Testament)

²⁹ Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 1:29 ပူးပေါင်းရင်းမြစ်များ

Lukàrzɛ̀ 13:24

“È kèkè ò lì kpèeyà ndi ò lìyòhva ema lì ihvi. Èhwanja ò jɔ̀kɛ̀, rzayì-rzayì ja hwatò hwa ò kèka ò lì kpèeyà, ndi hwa rzà ò tanɛ.

Ròmànì 15:20

Ɛkɔ̀ɔ̀nji ya ami e hwèlì ndi ò lì òhwa Ŋmɛ̀ndì mò Gbamù ò hwèki ema hwatò hwa rzi hweyi lì hvòmɛ̀nɛ̀ Krirztò. Nà ò gbeyà nanù aŋga nanù na rza ò ɛndɛ ò ekì ema òhvɛhvɛ mòtò à mà tòma èwòlò.

Ròmànì 15:30

Ìi wònyamòwè kòkò, ò lìna la ama e Rzaŋgò Yerzù Krirztò, ndèŋgànà lì hvòmɛ̀nɛ̀ e ndòlo ema e uwɛ̀lɛ̀lɛ̀yi ò èlìŋgɛ̀ ya eni, imba na e atɛkɛ nanù ema i late màa ò lì nò kànɛ̀lɛlɛ na ŋginyà nanù ema Lohwɛ̀ a nò òŋgòwane.

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

1 Kɔ̀rintìyà 12:6

O hwèlì nyayi na nyayi ja ŋgàna o lì gbeyà hwèwòlò hwe ama Lohwɛ̀ ndi molemilemi mo Lohwɛ̀ mɔ̀ndi à jo ŋgba e ŋgilì ya lì hwe gbeyà.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 13:3

O eŋge hvonda ndi e o hwiyɛ nanù ema, tɔ̀ mamɛ ema na ohwa e uwɛ̀lɛ̀lɛ̀yi ndi oma Krirztò. Rzeketɛ ema Krirztò a rza imbami o hweyà hwe arzɛ ema a gbeyà, ndi à uŋmɛ̀lɛ̀ ndi e ŋginyà ya eni o ìtììtènì ja arzu.

2 Kɔ̀rintìyà 5:9

O èŋgànɛ̀lɛ̀ rzɔ, mèèmà me arzu me arzɛ me hwɛni ndi lì hwɛ o lì lìŋgirzɛ Yerzù o mamɛ ya arzɛ ema i gbeyà, ŋga i hwɛ o nyàmà ya nyo tɔ̀ i rzi hwɛ.

2 Kɔ̀rintìyà 6:5

Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

Ɛ̀hvìrzìyà 1:19

Nà kanɛ̀ hvɛ nanù ema, è hwiya è ŋginyà yà eni ndɛnɛ ema è olò lì aka hweyà hwe arzɛ, ndèŋgànà eŋge ŋginyà ndi è jò oŋgòhwànà irzɔ ema ì mò lòkɛ̀yì. Ène ŋginyà ndɛnɛ,

Ɛ̀hvìrzìyà 3:20

Lohwɛ̀ à hwɛni ŋginyà ò lì gbeyà hweyà hwe ndɛnɛ ema hwe akayi hweyà ema è mò ijòwa. À gbèeyà hweyà lì aka tɔ̀ mamɛ ema irzɔ i lùtèyà nanù ema à tànɛyi lì gbeyà. À gbeyàna è ŋginyà yà èni ema è hwèlì ò tenì yà arzu ò lì gbeyà hwene hweyà.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 1:30

O naŋgɛ inyɛ ja aneya ŋmɛ̀ndì mò gbamù. Èŋge nyayi ya njuma ema e ma ɛnɛ nà mà ane yɔ mɛnɛ hvɛ ndi na hwèlì lì ana naŋgɛ.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.

Kòlòrzìyà 2:12

È hvonda ema è mà lùhwìrzɛ̀hwɛ̀, è mà hwɛ ndi nàa è mà ŋwa, hwa imeya, rzìi Lohwɛ̀ à è hvùmùlɛ̀ nà Krirztò. Ène eyà è mà è gbèyɛ̀nɛ nanù ehwànja è mà lòkɛ̀ nanù ema, è ŋginyà yà ama Lohwɛ̀ ema è mà hvùmùlɛ̀ Krirztò è ò è hvùmùlɛ̀ inyɔ hvɛ.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

2 Tɛ̀rzàlonìyà 3:8

È hwi nanù ema i rzi laane tɔ̀ mòtò tɔ̀ mòlelì ema i rzi rzaahwɛ. Ndi irzɔ i ma gbeyà èwòlò na morzimbɔ mo ndɛnɛ ŋmerze na wuu nanù ema i rzi tàkirzɛ tɔ̀ mɔ̀kɔ wa anyu.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

Hibrù 12:4

È njuma ema e ana o lì jànà wòhwè o lìrzùkù, e rzi uka lìmɛni ema hwa tànɛyi lì e oŋwa.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 2:3

Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.