Kòlòrzìyà 1:27 - Mokpwe: Bakwery (New Testament)

²⁷ Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 1:27 ပူးပေါင်းရင်းမြစ်များ

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Lukàrzɛ̀ 17:21

Tɔ̀ eyà ema hwatò hwa tànɛyi lì òhwà nanù ema, ‘Ɔ̀ŋgɔ! Lɔ lìinì’ tɔ̀ɔ ‘Lɔ lìnɛ̀yi aŋga.’ Jàyɛ̀, Lìkànèyà là ama Lohwɛ̀ lì hwèlì ò ìtììtènì jà ànyu.”

Yòwanìrzɛ̀ 14:17

Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 6:56

Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

Ròmànì 11:33

È ɔŋgɔ̀ tɛ mònàmɛ̀ mò ndɛnɛ mò ama Lohwɛ̀! È ɔŋgɔ̀ tɛ nɛ mɔ̀ à hwi hweyà hwe arzɛ, ndèŋgànà a òhvi lìhwiyè lì ndɛnɛ. Tɔ̀ mòtò a rza tanɛyi lì rzɔ̀ŋgìtɛ̀nɛ̀ nɛ Lohwɛ̀ a gbèeyà hweyà.

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ròmànì 8:10

Ndi e hwèlì tɛ ema Krirztò a hwèlì ò tenì ja anyu, nanù òma e hwèlì lòŋgɛ èhwanja Krirztò à mà e gbeyà nanù ema e imanɛlɛhwɛ ò wòrzò wò ama Lohwɛ̀ tɔ̀ nɛ ò nyòla wòhwe ema inyɔ e ma gbeyɛ, e nyàmà nyò ya anyu e hwɛni lì ŋwa.

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

1 Kɔ̀rintìyà 3:16

Nà lòkɛ̀yi nanù ema e ayèmbɛ inyɔ hwa arzɛ nanù ema e hwèlì ndi nàa e Ndawò yà Lohwà. Ndèŋgana èlìŋgɛ̀ ya ama Lohwɛ̀ e hwèlì, e lìyayi o ìtììtènì ja anyu.

2 Kɔ̀rintìyà 2:14

Ndi na ekì Lohwɛ̀ ema a jò gbeyà ema jo ohwe ŋmɛ̀ndì mò eni. Nà oma i hwèlì mòndeŋgè na Krirztò, à mà jo gbeyà ima timba ndi nà hwatò ema Lohwɛ̀ à mà imanɛlɛ na lì timba o lì ɛnɛ jo ohwa ŋmɛ̀ndì mò gbamu ò hweki hwe arzɛ. Lohwɛ̀ à hwèlì lì gbeyà hwatò ò lì hwiya Yerzù Krirztò èhwanja ò ŋmɛ̀ndì mò eni ema i hwèlì lì ohwa. Moŋgo ŋmɛ̀ndì mò àyinɛ̀lɛ̀ o ìtììtènì ja hwatò, nàa erzunju ya gbamù ya hvɛ̀ɛ̀hvɛ̀.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 2:22

Nà oma e hwèlì mòtò mɔ̀kɔ na Krirztò, à mà e lata na hwahvɛhvɛ hwàlòkèlì hwa Krirztò. Nà oma e hwèlì naŋgɛ nanù, e hwèlì ndi nàa wòoŋgi ema Lohwɛ̀ a lìiyaà o tenì. Lohwɛ̀ ema a hwèlì ndi nàa Èlìŋgɛ̀.

Hvìlipìyà 4:19

O tenì ya mònàmɛ̀ mo eni mondɛnɛ, Lòohwà la ami a e ŋgba tɔ̀ mamɛ ema inyɔ e endelì, lì akeyà na Yerzù Krirztò.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

1 Tìmotì 1:1

Imba Pàwolò, ema na hwèlì e àpɔ̀rzìtòlò ya ama Yerzù Krirztò, ndi na tilì ene kààtì. Lohwɛ̀ ndi à no kànèlì ema na gbeye ene èwòlò mɔ̀ ema a jo rzùŋgi o wòhwe hwa arzu. Lini lìkànèyà lì uwɛ̀lɛ̀lɛ̀yi hvɛ oma Krirztò Yerzù ema ji ikayi lìhvìta.

Hibrù 6:19

Lìŋgi lìhvìtà lì hwèlì ndi nàa yòoma ema e gbeyà mòŋgɛ ma arzu o lì ètìrzɛ̀hwɛ o hwetɛmelì. Lìni lìhvìta ndi lì gbeyà irzɔ ja akeyà o lìhwàtù ema lì kekayi lìyohva o lì uka o ekì ema e hwèlì wòtani, ekì ema Lohwɛ̀ a hwèlì.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.