Kòlòrzìyà 1:25 - Mokpwe: Bakwery (New Testament)

²⁵ Ndeŋgànɛ̀lɛ̀ Lohwɛ̀ à mà nò gbeyà ò lì hwɛ è mògbèèlì à gbèeyà hwatò ema hwa lòkɛ̀yì Krirztò. Mɔ̀ à mà nò òma nanù ema nà è ohweyà ŋmɛ̀ndì mò gbamù kɔ̀yi-kɔ̀yi.

Kòlòrzìyà 1:25 ပူးပေါင်းရင်းမြစ်များ

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

Ɛ̀hvìrzìyà 3:2

Nà hwi nanù ema è hwi nanù ema Lohwɛ̀ à mà nò hvɔ̀rzɔ̀ ò lì è ohweyà Ŋmɛ̀ndì mò Gbamù lì hvomɛ̀nɛ̀ è ndèli yà eni.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.