Judɛ 1:24 - Mokpwe: Bakwery (New Testament)

²⁴ Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Judɛ 1:24 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Lukàrzɛ̀ 9:26

Mòtò à nò òkanì tɛ ìrzɔnì nà hweyòhwèlì hwe amì, È Ŋmanà wà è Mòtò wà hwènàmà mɔ̀ hvɛ à mò òkànà ìrzɔnì lìŋgi lìrzàkò ema à tìmba ònò nà wòtani wà eni, nà è wɔ̀ hwa ama è Rzàŋgò yà enì, nà i aŋgèlì ja wòrzaŋgi.

Ròmànì 14:4

O wa ò hwèlì ndi njɛnɛ, ò lì kàyìrzɛ̀ e mòkutu wà ama òhvɛhvɛ mòtò e? È rzàŋgò ya awu, yɔ ndi e tànɛyi lì òhwa ŋga hwa gbèyi gbamù, tɔ̀ hwa rza gbèyi gbamù. Ndi e ŋginyà ya ama e Rzaŋgò yɔ ndi e òŋgòwàna òŋgò mòkutu ò lì gbeyà gbamù.

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

2 Kɔ̀rintìyà 4:14

Irzɔ i hwi nanù ema Lohwɛ̀ ema mo ndi à mà hvùmùlɛ̀ Rzàŋgo Yerzù, a o jo hvùmùlɛ̀ irzɔhvɛ, o lì hwɛ o lòŋgɛ na Yerzù. Ndèŋgana, Lohwɛ̀ a o jo jànà irzɔ na inyɔ o èki ema a hwèlì.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Ɛ̀hvìrzìyà 3:20

Lohwɛ̀ à hwɛni ŋginyà ò lì gbeyà hweyà hwe ndɛnɛ ema hwe akayi hweyà ema è mò ijòwa. À gbèeyà hweyà lì aka tɔ̀ mamɛ ema irzɔ i lùtèyà nanù ema à tànɛyi lì gbeyà. À gbeyàna è ŋginyà yà èni ema è hwèlì ò tenì yà arzu ò lì gbeyà hwene hweyà.

Ɛ̀hvìrzìyà 5:27

À mà gbeyà ndi nanù aŋga nanù lì arzàŋganɛ là hwatò hwa Lohwà lì hwɛ gbamù ò worzo wò eni. À mà arza lì jànà lìŋgi là arzàŋganɛ là hwatò nà mɔ̀, è rzìi hwɛ tɔ̀ lìtɔ̀tì là mbindo, tɔ̀ etɛndɛ, tɔ̀ è hvɛhvɛ eyà yà wòhwe ò lì hwɛ ò nyo ja awu. Ndi hwa rzàŋga ndèŋgàna hwa rza hwɛnɛ tɔ̀ eyà yà wòhwe ò inyo ja awu.

Kòlòrzìyà 1:22

Ndi ò naŋgɛ, Lohwɛ̀ à mà gbeyà nanù ema inyɔ è mò tìmbeyà ò lì akeyà nà è kpelì yà ama è ŋmanà wà eni Krirztò ò mbàrza ema à mà ohva è nyo yà mòtò wà hwènàmà. Lohwɛ̀ à mà gbeyà ndi nanù aŋga nanù inyɔ è hwɛ ò èki ema mɔ̀ à hwèlì, inyɛ inyɔ è hwɛ hwatò ema hwa rzàŋgi, è rza àŋgàmɛ̀nɛ̀ lì hwɛnɛ tɔ̀ lìtɔ̀ti tɔ̀ lɔ̀kɔ là wòhwe ò nyo yà anyu, inyɛ hwa rza è lɛ̀mbɛ nà tɔ̀ lìtònà tɔ̀ lɔ̀kɔ.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

2 Tìmotì 4:18

Rzàŋgo, à ò nò rzùŋgà lòŋgɛ là ami ò tɔ̀ ima lìtumba là wòhwe ema lì ò nò urzuweyà, à ò nò timba gbamù ò Lìkànèyà là eni là è ŋmanyu yà Lohwà. Èluhwe yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

Jèmìrzì 2:10

Tɔ̀ njɛnɛ hvɛ ema a undi mbenda hvɔ̀kɔ nanù oma mɔ̀ à jo undi ja arzɛ.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.

Hwèwulùwèlì 14:5

Wɔ̀ hwa rzi kɔ̀ɔ tɔ̀ eyà tɔ̀ wùnyà. Ndeŋgànɛ̀lɛ̀ hwa rza ohvi tɔ̀ njɔ̀mi.