Hwègbèèlì 9:42 - Mokpwe: Bakwery (New Testament)

⁴² Mònò ŋmɛ̀ndì, mò ma hweyàhwà ò e mbòwa ya arzɛ ya Jopà, ò èŋgànɛ̀lɛ̀ rzayi-rzayi ja hwatò hwà mà lòkɛ̀ Rzàŋgò Yerzù.

Hwègbèèlì 9:42 ပူးပေါင်းရင်းမြစ်များ

Yòwanìrzɛ̀ 11:4

Ndi nà òma Yerzù à mà hwèya nanù à mà òhwa nanù ema, “È nyàmbɛ ya ama Làrzàrɔ̀rzì e rza mò ùkirzɛ̀ ò kpelì. È gbèyɛ̀nɛ ndi ò lì ŋgbà Lohwɛ̀ èluhwe ò lì arza nanù ema è Ŋmanà wà ama Lohwà a lùwane enè eyà èluhwe.”

Yòwanìrzɛ̀ 11:45

Rzayì-rzayì ja hwatò hwa wònyà Yudà ema hwà mà ja lì arzarzɛ Màlìyɛ̀ hwà mà ɛnɛ mamɛ ema e ma gbèyɛ̀nɛ, hwà mà lòkɛ̀ Yerzù.

Yòwanìrzɛ̀ 12:11

Èhwanja hwatò rzayi-rzayi hwa wònyà Yudà hwà mà hwɛ lì hwa kumbɛ imburza ò lì lòkɛ̀ Yerzù wɔ̀ hwà mà lòkɛ̀ Yerzù lì hvòmɛ̀nɛ̀ mamɛ ema e ma gbèyɛ̀nɛ Làrzàrɔ̀rzì.

Yòwanìrzɛ̀ 12:44

Yerzù à mà òhwa ò lìlò lì kàrzami nanù ema, “Tɔ̀ ima mɔ̀ ema à nò lòkɛ̀yì, à rza nò lòkɛ̀yì ndi imba mɛnɛ, ndi à lòkɛ̀yì hvɛ nà e mɔ̀ ema a nò òmi.

Hwègbèèlì 10:5

O naŋgɛ nanù, òma lòŋgò la hwatò ò mbòwà ya Jopà ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò.

Hwègbèèlì 10:8

Mɔ̀ à mà hwa òhweyà mamɛ̀ ema e ma gbèyɛ̀nɛ, rzìi a hwa òma ò mbòwa ya Jopà.

Hwègbèèlì 11:13

Kɔ̀nɛ̀lìyùrzì à mà jò òhweyà nɛ è aŋgèlì è mà mò wùrzeyà ò ndawò yà eni, rzìi è mò òhweyà nanù ema, ‘Oma mòtò mɔ̀kɔ ò mbòwà yà Jopà, ò mà mòtò mɔ̀kɔ ema lìinà là eni lì hwèlì ndi Rzìmɔ̀nì Pètrò.

Hwègbèèlì 11:21

È ŋginyà ya ama e Rzàŋgò e ma hwɛ na wɔ̀. Ndèŋgànà ŋgìndì ndɛnɛ ya hwatò e ma lòkɛ̀ rzi e timbeya Rzàŋgò.

Hwègbèèlì 11:5

“Nà mà hwɛ lì kanɛ̀ ò mbòwà yà Jopà. Nà òma nà mà hwɛ lì kanɛ̀ rzi nà ɛnɛ jɛ̀nɛ̀nì. Yòma ema è mà hwɛ nà erzanja ndɛnɛ, ema è mà ɛnèya nàa è lɛ̀mbɛ̀hwì ò màrzùkù mà eni màànìyɛ̀ è uhweyà ò ŋmanyu yà lohwà rzi è rzììrzɛ̀hwɛ̀ ò rze ò wòrzò wò ami.

Hwègbèèlì 9:35

Nà òma hwatò hwa arzɛ ema hwa lìya ò mbòwa ya Lida na ò mbòwa ya Rzàlɔ̀nì hwà mà ɛnɛ na òma òŋgò mòtò à mà wɔ̀wìrzɛ̀hwɛ̀, rzìi hwa arzɛ hwa àyèŋgòwɛ̀lɛ̀lɛ̀ e Rzàŋgò Yerzù.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”

Hwègbèèlì 9:43

Pètrò à mà lìya ò mbòwa ya Jopà ŋgurzu ja mèenyà hvɛ. A ma lìya ò ndawò ya ama munyanà mɔ̀kɔ ema èwòlò ya eni e ma hwɛ ndi ò lì rzeeya meyòwò me nyàmà ema à mà hwɛ̀lɛ̀hwɛ̀ Rzimɔ̀ni.