Hwègbèèlì 9:39 - Mokpwe: Bakwery (New Testament)

³⁹ O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

Hwègbèèlì 9:39 ပူးပေါင်းရင်းမြစ်များ

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Matiyò 26:11

È ò òhva mèlìrza mè hwatò nà inyɔ ì hvònda jà arzɛ ndì è rza ò nò òhva imba ì hvònda jà arzɛ.

Makòrzì 14:8

À gbèyi è yɔ yà eni ema à tànɛ̀yi. À nò kòmi lìni lìyɔ̀ki là hvɛ̀ɛ̀hvɛ̀ ò nyò yà ami ò lì wòŋgìrzɛ̀nɛ̀ lì imàhwɛlɛ là ami ndèŋgàna è hvònda.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 12:8

Mèlìrza mè hwatò hwa hwèlì nà inyɔ hvònda tɛ, ndi imba nà rza hwɛ nà inyɔ hvònda tɛ.”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Hwègbèèlì 8:2

Ŋgurzu ja hwatò ema hwà mà ika mèèmà me awu me arzɛ ò lì gbèeyà Lohwɛ̀, hwà mà imeya Rzìtehvànɛ. Hwà mà hwɛ ò lì mò eyà na ò lì mò ɛhwɛ.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

2 Kɔ̀rintìyà 8:12

È hwɛnì tɛ nyɔ̀ŋgi ya lì ŋgbà mòtò yoma na oma e ohvi, e emànɛ̀lɛ̀hwɛ̀yì na Lohwɛ̀. Lohwɛ̀ a rza arza nanù ema mòtò a ŋgbe lì aka mamɛ ema a ohvi.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 4:13

Ìi wònyàmòwe kòkò, ja arza nanù ema e hwiye e jɔ̀kɛ̀ lì hvomɛ̀nɛ̀ hwaŋga ema hwà mà ŋwɛɛ, aŋga nanù e rza ɛhwɛ nàa hwatò ema hwa rza hwɛnɛ lìhvìtà.

1 Tìmotì 5:3

Mekurze me hwalana ema me rza ohvɛ hwatò ema hwa hwà oŋgowàna o hwa oŋgowane.

1 Tìmotì 5:5

Mokurze mo molanà ema mo hwèlì ŋmìti ndèŋgàna mo rza ohvɛ mòtò ema a mo ɔŋgeya, mo ika ndi ŋmèma mo eni na Lohwɛ̀. Mono mokurze mo molanà mo lìmeya ndi o lì kanɛ̀ ŋmerze na wuu o lì akowana ema Lohwɛ̀ a mo òŋgowane.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.