Hwègbèèlì 9:38 - Mokpwe: Bakwery (New Testament)

³⁸ È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”

Hwègbèèlì 9:38 ပူးပေါင်းရင်းမြစ်များ

Hwègbèèlì 10:5

O naŋgɛ nanù, òma lòŋgò la hwatò ò mbòwà ya Jopà ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò.

Hwègbèèlì 10:8

Mɔ̀ à mà hwa òhweyà mamɛ̀ ema e ma gbèyɛ̀nɛ, rzìi a hwa òma ò mbòwa ya Jopà.

Hwègbèèlì 11:13

Kɔ̀nɛ̀lìyùrzì à mà jò òhweyà nɛ è aŋgèlì è mà mò wùrzeyà ò ndawò yà eni, rzìi è mò òhweyà nanù ema, ‘Oma mòtò mɔ̀kɔ ò mbòwà yà Jopà, ò mà mòtò mɔ̀kɔ ema lìinà là eni lì hwèlì ndi Rzìmɔ̀nì Pètrò.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 11:5

“Nà mà hwɛ lì kanɛ̀ ò mbòwà yà Jopà. Nà òma nà mà hwɛ lì kanɛ̀ rzi nà ɛnɛ jɛ̀nɛ̀nì. Yòma ema è mà hwɛ nà erzanja ndɛnɛ, ema è mà ɛnèya nàa è lɛ̀mbɛ̀hwì ò màrzùkù mà eni màànìyɛ̀ è uhweyà ò ŋmanyu yà lohwà rzi è rzììrzɛ̀hwɛ̀ ò rze ò wòrzò wò ami.

Hwègbèèlì 9:19

O mburza ya hvònda ema mɔ̀ à mà lèè mòlèlì rzi e ŋginyà ya eni e timba. Rzàwòlò à mà lìya na hwàlòkèlì hwa ama Yerzù ŋgùrzu ja mèènyà ò mbòwa ya Dàmàrzkɔ̀rzì.

Hwègbèèlì 9:32

Pètrò à mà hwɛ lì ɛndɛ ò ekì ya arzɛ, ò lìrzakò lɔ̀kɔ, à mà ɛndɛ ò lì hvɛhvɛ hwatò hwa ama Lohwɛ̀ ema hwà mà hwɛ ò mbòwa ya Lida.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Hwègbèèlì 9:42

Mònò ŋmɛ̀ndì, mò ma hweyàhwà ò e mbòwa ya arzɛ ya Jopà, ò èŋgànɛ̀lɛ̀ rzayi-rzayi ja hwatò hwà mà lòkɛ̀ Rzàŋgò Yerzù.

Hwègbèèlì 9:43

Pètrò à mà lìya ò mbòwa ya Jopà ŋgurzu ja mèenyà hvɛ. A ma lìya ò ndawò ya ama munyanà mɔ̀kɔ ema èwòlò ya eni e ma hwɛ ndi ò lì rzeeya meyòwò me nyàmà ema à mà hwɛ̀lɛ̀hwɛ̀ Rzimɔ̀ni.