Hwègbèèlì 9:34 - Mokpwe: Bakwery (New Testament)

³⁴ Pètrò à mà mò òhweyà nanù ema, “Aneyàrzì e, Yerzù Krirztò a ò wɔ̀wìrzɛ̀ anu naŋgɛ. Tɛmɛ ò ŋmanyu, ò rzeeya lìnɔ̀ŋgɔ la aŋgɔ̀.” Ŋgelì hvɔ̀kɔ Aneyàrzì à mà tɛ̀mɛ̀nɛ.

Hwègbèèlì 9:34 ပူးပေါင်းရင်းမြစ်များ

Matiyò 8:3

Yerzù à mà enyòwa lìya là eni à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ è nyàmbɛ yà mɔ̀lɔ̀ŋgɔ è mà kuwa ò nyò yà eni.

Matiyò 9:6

Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema, “Nà ò òhwèlì nanù ema, tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ ò mààndà ma aŋgɔ.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwègbèèlì 3:16

Onò mòtò ema e ɛnɛ nanù ema e hwi gbamù. È ŋginyà ema lìinà la ama Yerzù lì hwɛni na lì lòkɛ̀ ema mɔ̀ à hwɛni, na lì lòkɛ̀ hvɛ ema mɔ̀ à hwɛni na lìŋgi lìna lɔ ndi lì ŋgbelì ònò mòtò ema à mà hwɛ mbòkò e ŋginyà na lì mò wɔ̀wìrzɛ̀. Ndeŋgana inyɔ hwiti e ma ɛnɛ.

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.

Hwègbèèlì 9:33

Nà òma mɔ̀ à mà uke aŋga à mà ùŋmànɛ̀lɛ̀ mòtò mɔ̀kɔ ema à mà hwɛ̀lɛ̀hwɛ̀ Aneyàrzì, ema à mà ɔ̀kirzɛ̀ e nyàmbɛ ya njɛ̀mbu. Onò mòtò a rzi tanɛ lì anjiya ò lìnɔ̀ŋgɔ ò hwàmbi ya meya.

Hwègbèèlì 9:35

Nà òma hwatò hwa arzɛ ema hwa lìya ò mbòwa ya Lida na ò mbòwa ya Rzàlɔ̀nì hwà mà ɛnɛ na òma òŋgò mòtò à mà wɔ̀wìrzɛ̀hwɛ̀, rzìi hwa arzɛ hwa àyèŋgòwɛ̀lɛ̀lɛ̀ e Rzàŋgò Yerzù.