Hwègbèèlì 9:32 - Mokpwe: Bakwery (New Testament)

³² Pètrò à mà hwɛ lì ɛndɛ ò ekì ya arzɛ, ò lìrzakò lɔ̀kɔ, à mà ɛndɛ ò lì hvɛhvɛ hwatò hwa ama Lohwɛ̀ ema hwà mà hwɛ ò mbòwa ya Lida.

Hwègbèèlì 9:32 ပူးပေါင်းရင်းမြစ်များ

Matiyò 27:52

Irzɔ̀ŋgɔ̀ ima lìhvòweya rzayi-rzayi ja hwatò hwa Lohwà ema hwà mà lòmɛ lì ŋwa, hwà mà hvùmùwà.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 26:10

Ò jɔ̀kɛ̀, nanù ndi nà mà gbeye ò Jèrurzalɛ̀mù. Nà ma luwa wònjà na e pìlìrzì ndɛnɛ ò lì aŋgɛ rzàyi-rzàyi ja hwatò hwa ama Lohwɛ̀ ò hwèwòwà. È ma hwɛ tɛ nanù ema hwà mà akɛlɛ tɛ e mbàkò nanù ema hwa hwɛni lì ŋwa, imba hvɛ mbiti nà mà emeyà.

Hwègbèèlì 8:14

Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀.

Hwègbèèlì 8:25

È hvònda ema Petrò na Yòwanìrzɛ̀ hwà mà kulɛ ò lì òhwa hweyà hwe arzɛ lì hvòmɛ̀nɛ̀ Yerzù na lì kulɛ lì òhwa ŋmɛ̀ndì mò ama Rzàŋgò, rzìi hwa timba ò mbòwa ya Jèrurzalɛ̀mù. O hwetimbelì hwe awu, hwà mà hwɛ lì òhwa Ŋmɛ̀ndì mò Gbamù mò ama Yerzù ò mambòwà mà rzayi-rzayi ja hwèrzòokà hwe Rzàmàrìyà.

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Hwègbèèlì 9:33

Nà òma mɔ̀ à mà uke aŋga à mà ùŋmànɛ̀lɛ̀ mòtò mɔ̀kɔ ema à mà hwɛ̀lɛ̀hwɛ̀ Aneyàrzì, ema à mà ɔ̀kirzɛ̀ e nyàmbɛ ya njɛ̀mbu. Onò mòtò a rzi tanɛ lì anjiya ò lìnɔ̀ŋgɔ ò hwàmbi ya meya.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.