Hwègbèèlì 9:30 - Mokpwe: Bakwery (New Testament)

³⁰ Nà òma hwàlòkèlì hwà mà àyɛ̀mbɛ̀ nanù ema ò hwèlì ŋmanò mò lì arza lì òŋwa Rzàwòlò, wɔ̀ hwà mà mò anjiyana lì mò ɛ̀ndɛ̀nɛ̀ ò mbòwa ya Kàyìrzèrìyà rzìi hwa mò òma ò mbòwa ya Tàrzùrzì.

Hwègbèèlì 9:30 ပူးပေါင်းရင်းမြစ်များ

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Matiyò 16:13

Yerzù à mà anjiya aŋga rzìi a ɛ̀ndɛ ò erzòòkà e kòmbɛ̀nɛ̀ e mbòwà ya Kàyìrzèrìyà Hvìlìpì. Nà òma à mà uke aŋga à mà ijòwa Hwà-òkòwèlì hwa eni nanù ema, “Njɛnɛ hwatò hwa òhwa ema è Ŋmanà wà è Mòtò wà Hwènàmà a hwèlì e?”

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 11:25

Bànàbàrzì rzìi a ɛ̀ndɛ ò Tàrzùrzì ò lì arza Rzàwòlò.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:15

Hwàtò ema hwà mà ɛndɛ ò lì lìyɛlɛ Pàwolò, hwà mà mò lìyɛlɛ natɛ̀ɛ na ò mbòwa ndɛnɛ ya Atɛ̀nrzì rzìi hwa timbana lì kòkòwɛ̀lɛ̀ ò ma Rzàyilarzi na Tìmòtì ò lì mò ùŋmànɛ̀lɛ̀ ò Atɛ̀nrzì e rzì hwɛ lì hvaŋga hvònda.

Hwègbèèlì 28:14

I ma awùlùwɛ hwatò aŋga ema hwa lòkɛ̀yì Krirztò. Hwà mà jò òhweyà nanù ema i lìye na wɔ̀ mèenyà lìrzamba. I ma anjiye aŋga rzìi jò uka ò e mbòwà ndɛnɛ ya Ròmànì.

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.

Hwègbèèlì 9:11

Rzàŋgò rzìi à mò òhweyà nanù ema, “Wòŋgirzɛnɛ ò ɛ̀ndɛ̀ ò ndawò yà ama Jùdàrzì ema è hwèlì ò ekì ema è hwɛ̀lɛ̀hwɛ̀ è Njìya ema ye Ènyòhwɛ̀nɛ̀. Ò uki tɛ aŋga, ò ìjòlɛ̀lɛ̀ mòtò mɔ̀kɔ ema à uwɛ̀lɛ̀lɛ̀yì ò mbòwà yà Tàrzɔ̀rzì ema à hwɛ̀lɛ̀hwɛ̀ Rzàwòlò. À hwèlì ò màkanɛ̀ naŋgɛ,

Gàletìyà 1:21

Nà oma nà mà uwɛ̀lɛ̀lɛ̀yi ò Jèrurzalɛ̀mù, nà mà ɛndɛ weki ò erzòòkà yà Rzìrìyà nà Rzìlìrzìyà.