Hwègbèèlì 9:19 - Mokpwe: Bakwery (New Testament)

¹⁹ O mburza ya hvònda ema mɔ̀ à mà lèè mòlèlì rzi e ŋginyà ya eni e timba. Rzàwòlò à mà lìya na hwàlòkèlì hwa ama Yerzù ŋgùrzu ja mèènyà ò mbòwa ya Dàmàrzkɔ̀rzì.

Hwègbèèlì 9:19 ပူးပေါင်းရင်းမြစ်များ

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 26:20

Lì wòteyà aŋga nà mà wòteyà lì òhwa ŋmɛ̀ndì mò gbamù. Nà ma wòteyà ò mbòwa ndɛnɛ ya Dàmàrzkɔ̀rzì, rzìi na ɛndɛ o Jèrurzalɛ̀mù, ndèŋgànà na ɛndɛ ò hwèrzòòkà hwe arzɛ hwe Irzàyɛ̀lì na ò erzòòkà ya hwatò ema hwa rza enje wònyà Yudà. Nà ma hwɛ lì hwa òhweyà nanù ema hwa hwɛmɛ lì gbeyà wòhwe hwa timbeya Lohwɛ̀, ndeŋga nanù ema hwa gbèye hweyà ema hwe uŋmɛ̀lɛ̀ nanù ema wɔ̀ hwà mà hwɛmɛ wòhwe wò awu.

Hwègbèèlì 9:18

O lìwòkimɛnɛ, hwema hwe ma unda ò mirzɔ̀ ma ama Rzàwòlò, ema hwe ma àkɛnɛ̀ hweyàrzà hwe nyàmà ja malìhwa, ò èŋgànɛ̀lɛ̀ mɔ̀ à mà wòteyà lì ɛnɛ̀ hvɛ. A ma tɛ̀mɛ̀ ò ŋmanyu rzi a lùhwìrzɛ̀hwɛ̀.

Hwègbèèlì 9:26

Rzàwòlò à mà ɛndɛ ò Jèrurzalɛ̀mù, na òma à mà uke aŋga, à mà keka ò lì hwɛ na hwatò ema hwa lòkɛ̀ Yerzù. Ndi hwaŋga hwatò hwà mà mò òka wɔ̀ŋgɔ̀ èhwanja wɔ̀ hwa rzi lòkɛ̀ nanù ema mɔ̀ hvɛ a hwèlì ndi mòlòkelì mɔ̀kɔ wa ama Yerzù Krirztò.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”

Gàletìyà 1:17

Nà rzi ɛndɛ hvɛ tɔ̀ o Jèrurzalɛ̀mù lì ɛnɛ hvɛ tɔ̀ hwaŋga ema hwà mà loma lì hwɛ i àpɔ̀rzìtòlò ndeŋgànɛ̀lɛ̀ imba na e hwɛ mɔ̀kɔ. Ndi nà mà ɛndɛ ndi ŋgelì hvɔ̀kɔ o erzòokà ya Arèbìyà, rzìi na timba hvɛ o mbowà ndɛnɛ ya Dàmàrzkɔ̀rzì.