Hwègbèèlì 9:18 - Mokpwe: Bakwery (New Testament)18 O lìwòkimɛnɛ, hwema hwe ma unda ò mirzɔ̀ ma ama Rzàwòlò, ema hwe ma àkɛnɛ̀ hweyàrzà hwe nyàmà ja malìhwa, ò èŋgànɛ̀lɛ̀ mɔ̀ à mà wòteyà lì ɛnɛ̀ hvɛ. A ma tɛ̀mɛ̀ ò ŋmanyu rzi a lùhwìrzɛ̀hwɛ̀. အခန်းကိုကြည့်ပါ။ |
O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”
Ndi wɔ̀ hwa rzi rzɔŋgìtɛ̀nɛ̀. Ò jɔ̀kɛ̀ lì wòteyà o eŋge hvonda lì uka natɛ̀ɛ na nàŋgɛ, hwa rza tànɛyi lì rzɔŋgìtɛ̀nɛ̀ nanù ema worzo wa ama Morzè ema wo ma hwɛ lì ɛneya kɛyi-kɛyi wo ma wɔ̀lɛ̀nɛ̀ ŋmàye mo eni. Tɔ̀ ima hvonda ema hwatò hwa hweyi tɛ mòtò a laŋga e kààtì ya yòòmbò ya koohwa hwà rza rzɔŋgìtɛ̀nɛ̀ mamɛ hwa hweyà. È gbèyi ndi nàa lìhwatu lì ma hwanda mɔ̀ŋgɛ̀lɛ̀ ma awu. È hwèlì ndi nanù ema mòtò a hwèlì tɛ oma Krirztò, ɔ̀ndi à rzɔŋgìtɛ̀nɛ̀.
Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.