Hwègbèèlì 9:17 - Mokpwe: Bakwery (New Testament)

¹⁷ O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Hwègbèèlì 9:17 ပူးပေါင်းရင်းမြစ်များ

Matiyò 19:13

Lòŋgò la hwatò hwà mà jàneyà Yerzù hwàànà hwarzàlì ò lì arza nanù ema Yerzù a hwa hwàkɛ màa a hwa kanɛ̀lɛ̀lɛ̀. Ndì hwà-òkòwèlì hwa eni hwà mà lòmeya e wɔ̀ ema hwà mà hwa jànà.

Makòrzì 5:23

A mò atɛkɛ nà ŋginyà nanù ema, “È ŋmanà ŋgɔ̀ndɔ̀ wa ami à hwèlì ndi ò mòhvèhvè mò kpelì, rzònì jà ò mò hwàkɛ màà mà aŋgɔ̀ a wɔ̀we, a hwɛ lòŋgɛ.”

Makòrzì 6:5

A rzìi tanɛ̀ lì gbeyà mànyakà aŋga, ndi lòŋgò la hwatò hwà mà ɔ̀kirzɛ̀ ndi à mà hwa hwàkɛ màa rzìi a hwa wɔ̀wìrzɛ̀.

Lukàrzɛ̀ 1:41

Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.

Lukàrzɛ̀ 1:67

Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 15:30

Ɔ̀ŋgɔ̀ tɛ, ò nò ŋmanà wà aŋgɔ̀ ema à tìmbi nanù, à mà kùwa lì hvaŋgà wòlì wò aŋgɔ̀ nà ì àkpàlà ja eni, rzìi ò wà ò mò òŋwelì mònànì mò nyàkà ò lì rzòmbirzɛ nà hwatò hwa àrzɛ.’

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 13:3

Nà òma hwà mà kulɛ mòkìyà njàwò na màkanɛ̀, hwà mà hwàkɛ maà ma awu ò ma Bànàbàrzì na Rzàwòlò rzìi hwa hwà òhweyà nanù ema hwa ɛ̀ndɛ.

Hwègbèèlì 13:52

Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 19:6

È hvònda ema Pàwolò à mà hwa hwàkɛ̀ màà mà eni ò meyòhvò me awu, Èlìŋgɛ̀ yà Wòtani rzìi e hwa rzihweyà. Rzìi hwa wòteyà lì òhwa ò i hvɛhvɛ mbɔrzi ema hwatò hwa rzi rzɔ̀ŋgìtɛ̀nɛ̀, na ò lì òhwa Ŋmɛ̀ndì mò ama Lohwɛ̀.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 21:20

O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

Hwègbèèlì 26:15

Rzìi nà mò ijòwa nanù ema, ‘Ìi Rzàŋgò ò wà ò hwèlì ndi njɛ̀nɛ e?’ Rzàŋgò rzìi à alàhwɛ̀ nanù ema, ‘Imba ndi nà hwèlì Yerzù ema ò hwèlì ò tàkìrzɛ̀.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 6:6

Hwà mà jana hwanu hwatò ò wòrzò wò I àpɔ̀rzìtòlò. I àpɔ̀rzìtòlò rzìi i hwa kanɛ̀lɛ̀lɛ̀ i hwa hwàkɛ̀ hvɛ màa.

Hwègbèèlì 8:17

Aŋga ndì Pètrò nà Yòwanìrzɛ̀ hwà a hwa hwàkɛ màà mà awu rzi hwa luwa Èlìŋgɛ̀ yà Wòtani.

Hwègbèèlì 9:18

O lìwòkimɛnɛ, hwema hwe ma unda ò mirzɔ̀ ma ama Rzàwòlò, ema hwe ma àkɛnɛ̀ hweyàrzà hwe nyàmà ja malìhwa, ò èŋgànɛ̀lɛ̀ mɔ̀ à mà wòteyà lì ɛnɛ̀ hvɛ. A ma tɛ̀mɛ̀ ò ŋmanyu rzi a lùhwìrzɛ̀hwɛ̀.

Ròmànì 15:7

Imanɛlɛ mɔ̀kɔ na ɔ̀nɛyi, na òma Krirztò a e imanɛlɛ inyɔ, aŋga nanù hwatò hwa tanɛyi ò lì eka Lohwɛ̀.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

1 Kɔ̀rintìyà 15:8

O lìrzukù, à mà no wurzeya imba hvɛ, tɔ̀ nɛ na hwèlì ndi mòtò ema à mà ŋyaahwa ndi e hvonda ema hwatò hwa rzìi hwiye ema mòtò a ŋyàa ŋmanà.

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

1 Tìmotì 5:22

O rzi keka lì ahwèŋgɛ̀ o lì hwàkɛ hwatò màà mà aŋgɔ̀ o lì hwa nàmìrzɛ̀ o lì hwɛ hwàmbaki hwa ŋmèmba. Èhwanja o gbèyi tɛ nanù rzi oŋgo mòtò ayeŋgòwɛ̀ a gbeyà wòhwe, nanù oma o wa hvɛ o gbèyi wòhwe. O aŋgowe aŋga nanù o wà witi o rza gbèeyà hweyà hwe mbindo.

2 Tìmotì 1:6

Lìtìŋga lɔ̀ lììnì ɔ̀ndeŋgàtɛ̀ imba nà ò ɔ̀ŋgɛ̀lɛ̀nɛ jàhwèyà ema Lohwɛ̀ à mà ò ŋgbe è hvonda ema nà mà ò hwàkɛ̀ màà mà ami ò mòhvo mò aŋgɔ̀ ò hwɛ ndi ò lì ji gbeyàna nanù mɛnɛ.

Hvìlɛ̀mɔ̀nì 1:16

Ò nàŋgɛ à rza enje ndi mòkòmè, ndi à hwèlì ndi ŋmanyàŋgò wà arzu wà ama Krirztò. Nà mò lìŋgàni rzàyi-rzàyi, ndèŋgànɛlɛ ò wà hvɛ ò àŋgàmɛ̀nɛ̀yi lì mò lìŋgàna lì aka mamɛ ema imba nà mò lìŋgàni. Ò àŋgàmɛ̀nɛ̀yi lì mò lìŋgàna nàa è mògbèèlì wà aŋgɔ̀ ndèŋgànɛlɛ nàa ŋmànyɔ̀ŋgɔ̀ wà aŋgɔ̀ wà ama Krirztò.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

2 Pètrò 3:15

Inyɛ̀ e hwiye nanù ema na oma e Rzàŋgo e hvàŋga hvonda o lì jà, e hwèlì ndi nanù ema inyɛ mɔ̀ à ŋgbe hwatò e hvonda o lì luwa lì rzùŋgàhwa. Nànù ndi Pàwolò mɔ̀ hvɛ à mà gbeyàne lìhwiyè ema Lohwɛ̀ à mà mo ŋgbe o lì e tìleya e kààti.