Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 9:16 - Mokpwe: Bakwery (New Testament)

16 Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

အခန်းကိုကြည့်ပါ။ ကော်ပီ




Hwègbèèlì 9:16
22 ပူးပေါင်းရင်းမြစ်များ  

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.


Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami.


È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.


Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”


Nà òma à mà jèe lì jò uŋmànɛlɛ, a wòwa e ŋgòlì ya ama Pàwolò, rzi a e kakana màa na meende me eni, rzi a òhwa nanù ema, “Èlìŋgɛ̀ ya wòtani e òhwi nanù ema e mòhwɛnɛ wa ene ŋgòlì, a ò kakahwa na wònyà Yudà ò Jèrurzalɛ̀mù, rzi hwa mò akɛlɛlɛ hwaŋga hwatò ema hwa rza enje wònyà Yudà.”


Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”


I ma a ahvùlùhwɛ lòŋgò la hwàlòkèlì aŋga. Rzi i lìya na wɔ ò mèenyà lìrzàmba. O e ŋginyà ya Èlìŋgɛ̀ yà Wòtani, wɔ hwà mà òhweyà Pàwolò nanù ema a rzi keka lì ɛndɛ ò Jèrurzalɛ̀mù.


Ndeŋgànɛlɛ mɔ̀ à jànì wònjà naŋgɛ anu Dàmàrzkɔ̀rzì ema ipìlìrzì ndɛnɛ ì mò ŋgbelì, ò lì ŋgbaŋgɛ hwatò hwa arzɛ ema hwa kanɛ̀ ò lìnà là aŋgɔ̀.”


Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”


Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.


Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.


Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.


O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.


È hwèlì tɛ nanù ema hwatò hwa e hwɛ̀nyɛ̀, ehwànja e hwèlì ndi hwatò ema e oŋgama Krirztò, nanù oma e lɔ̀yìrzɛ̀yi, ehwànja ŋmàye mo Èlìŋgɛ̀ ya ama Lohwɛ̀ mo hwèlì na inyɔ.


Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ