Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 8:40 - Mokpwe: Bakwery (New Testament)

40 Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.

အခန်းကိုကြည့်ပါ။ ကော်ပီ




Hwègbèèlì 8:40
21 ပူးပေါင်းရင်းမြစ်များ  

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”


O wònɛyi wùnyà wɔ̀ hwà mà uka ò mbòwa ya Kàyìrzèrìyà. Kɔ̀nɛlìyurzi à mà hwɛ lì hwa ambɛ̀lɛ̀, ndèŋgànɛ̀lɛ̀ mɔ̀ à mà yòhwɛ hwatò hwa eni hwa lìtumba na imbunda ja eni ema à mà lìŋgane.


Ò lìŋgi lìrzakò mɛ̀nɛ ɔ̀ndi hwatò hwàyàwò ema hwa mà òmahwa ò mbòwà yà Kàyìrzèrìyà hwa mà nò jèeyà ò ndawò ema nà mà hwɛ lì lìya.


Kìŋgɛ̀ Hɛ̀rɔ̀dì ama òhwa à mà hwa tòòwè gbarzi wò kɔ̀yi-kɔ̀yi ò lì arza Pètrò. Nà òma hwa rzìi tanɛ lì mò ɛnɛ, Hɛ̀rɔ̀dì rzi a kàyìrzɛ̀ hwaŋga hwàanà njuma, a hwa akɛlɛlɛ e mbàkò ya kpelì. O mburzà hvònda Hɛ̀rɔ̀dì à mà anjiya ò Jùdeyà ò lì ɛ̀ndɛ lì lìya ŋmana hvònda ò mbòwà ya Kàyìrzèrìyà.


È hvònda ema à mà ùke ò mbòwa ndɛnɛ ya Kàyìrzèrìyà, à mà agba ò mbòwà ndɛɛndɛ ya Jèrurzalɛ̀mù, ò lì kɔmɔ hwatò hwa ŋmèmba, rzìi a ɛndɛ ò mbòwa ndɛnɛ ya Antìyɔ̀kì.


Lòŋgò la hwà-òkòwèlì ema hwà mà uwɛ̀lɛ̀lɛ̀yi ò e mbòwa ya Kàyìrzèrìyà wɔ hvɛ hwà mà ɛndɛ na irzɔ. Rzìi hwa jò ɛ̀ndɛ̀nɛ̀ ò e ndawò ya ama Nàrzɔ̀nì ema aŋga ndi i ma hwɛnɛ lì lìya. Nàrzɔ̀nì à mà uwɛ̀lɛ̀lɛ̀yi ndi ò èkòmè ya Rzàyiprɔ̀rzì ndèŋgànɛlɛ a hwèlì ndi mɔ̀kɔ ema à mà lòma lì lòkɛ̀ Krirztò.


O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.


Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.


Wɔ hwà mà ɛ̀ndɛ̀nɛ̀ Pàwolò ò mbòwa ndɛnɛ ya Kàyìrzèrìyà. Nà òma hwà mà uke aŋga hwà mà tɛtirzɛ e mòkànèlì itita rzìi hwa mò akɛlɛlɛ Pàwolò.


Hvɛ̀rzìtùrzì à mà uka ò erzòòkà ya Kàyìrzèrìyà rzi a lìya ò mbòkò ya lìkànèyà, ò mburza mèenyà meyawò à mà anjiya ò erzòòkà ya Kàyìrzèrìyà rzìi a ɛ̀ndɛ ò Jèrurzalɛ̀mù.


O mburzà ŋgurzu ja mèenyà, Kìŋgɛ̀ Agrìpa na Bɛ̀nìrzì hwà mà jà ò erzòòkà ya Kàyìrzèrìyà ò lì kàrzɛ Hvɛ̀rzìtùrzì ema à mà hwɛ e mòkànèlì.


Hvɛ̀rzìtùrzì rzìi a hwa alàhwɛ̀ nanù ema, “Pàwolò a hwèlì ò hwèwòwà ò erzòòkà ya Kàyìrzèrìyà ndi imba mbiti na tìmba aŋga ŋmanà mbɔ.


Hvɛ̀rzìtùrzì à mà lìya hvɛ ò Jèrurzalɛ̀mù eyà ya wàmbi tɔ̀ lìyòmɛ la mèenyà ndèŋgana a e timba ò erzòòkà ya Kàyìrzèrìyà. O wònɛyi wùnyà, à mà lìya ò hwèkàyìrzèlì rzìi a òhwa nanù ema hwa mò jàneya Pàwolò ò ndawò ya hwèkàyìrzèlì.


È hvònda ema Petrò na Yòwanìrzɛ̀ hwà mà kulɛ ò lì òhwa hweyà hwe arzɛ lì hvòmɛ̀nɛ̀ Yerzù na lì kulɛ lì òhwa ŋmɛ̀ndì mò ama Rzàŋgò, rzìi hwa timba ò mbòwa ya Jèrurzalɛ̀mù. O hwetimbelì hwe awu, hwà mà hwɛ lì òhwa Ŋmɛ̀ndì mò Gbamù mò ama Yerzù ò mambòwà mà rzayi-rzayi ja hwèrzòokà hwe Rzàmàrìyà.


Nà òma hwàlòkèlì hwà mà àyɛ̀mbɛ̀ nanù ema ò hwèlì ŋmanò mò lì arza lì òŋwa Rzàwòlò, wɔ̀ hwà mà mò anjiyana lì mò ɛ̀ndɛ̀nɛ̀ ò mbòwa ya Kàyìrzèrìyà rzìi hwa mò òma ò mbòwa ya Tàrzùrzì.


Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ