Hwègbèèlì 8:39 - Mokpwe: Bakwery (New Testament)

³⁹ Lìrzàkò ema wɔ̀ hwà mà anjiye ò tenì ya malìhwa, Èlìŋgɛ̀ ya ama Rzàŋgò rzìi e wòwa Hvìlìpì. Èŋge yumɛ e rzi ɛnɛ Hvìlìpì hvɛ. Ndi à mà ɛ̀ndɛ̀nɛ̀ ndi yɔ̀ndɔ ya eni ò wòrzò, na mɔ̀nyɛ̀ŋgì.

Hwègbèèlì 8:39 ပူးပေါင်းရင်းမြစ်များ

Matiyò 13:44

Yerzù a kpɛ̀ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa lùùtà ema lì utami ò wàŋga. Ema mòtò à mà ahvùlùhwɛ, ò mɔ̀nyɛ̀ rzìi a timba hvɛ lì li wanda, ò mɔ̀nyɛ̀ŋgì mò eni a ɛndɛ lì àhwirzɛ̀ mamɛ ya arzɛ ema à mà hwɛnɛ rzi anda eŋge wàŋga.”

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Makòrzì 1:10

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiyà ò tenì yà màlìhwa, à mà ɛnɛ lòòhwà lì lìhvòhwèlì. Rziì Èlìŋgɛ̀ yà Wòtani è mà uhwɛlɛlɛ ò ŋmanyu nàa mbèŋga è mò rzihweyà ò mòhvò mò èni.

Hwègbèèlì 13:52

Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 16:34

Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Hwègbèèlì 8:38

Èŋge yumɛ rzi e òhweyà e mɔ̀ ema à mà hwɛ lì ɛ̀ndɛ̀nɛ̀ eŋge ehwàmbanì ama a tɛ̀mɛ̀. Rzìi mɔ̀ na Hvìlìpì hwa rzihwa ò eŋge ehwàmbanì rzìi hwa kpèeyà ò tenì ya malìhwa, Hvìlìpì rzìi a mò lùhwìrzɛ̀.

Hwègbèèlì 8:8

Ò èŋgànɛ̀lɛ̀ rzɔ ò mà hwɛ mɔ̀nyɛ̀ŋgì mòndɛ̀nɛ ò eŋge mbòwà ndɛ̀ɛ̀ndɛ̀.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Hvìlipìyà 4:4

È oke mɔ̀nyɛ̀ŋgì ihvonda jà arzɛ ehwànja è hwèlì ndi hwatò hwa ama è Rzàŋgo. Imba nà ohwa hvɛ nanù ema, inyɔ è oke mɔ̀nyɛ̀ŋgì.

Jèmìrzì 4:16

Ndi o nàŋgɛ inyɔ e ondi na kumba na lì àyekìrzɛ lìŋgi lì àyekìrzɛ la arzɛ lì rza lɔ̀wu.