Hwègbèèlì 8:35 - Mokpwe: Bakwery (New Testament)

³⁵ Hvìlìpì rzìi a wòteyà lì mò òhweyà Ŋmɛ̀ndì mò Gbamù mò ama Yerzù, rzìi a mò telɛlɛ hweyà hwe arzɛ ò lì wòteyà na ene èhvàrzù.

Hwègbèèlì 8:35 ပူးပေါင်းရင်းမြစ်များ

Matiyò 5:2

Rzìi à wòteya lì hwa òkòlɛ̀ nà lì òhwa nanù ema,

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 17:18

Hwàtò ema hwà mà hwɛ ò ehvehva ema e ma hwɛ̀lɛ̀hwɛ̀ Èpìkòlìyànì na Rzìtɔ̀yìkì, wɔ hvɛ hwà mà wòteyà ò lì taa e hvenda na mɔ̀. Lòŋgò la awu hwà mà ijòwa nanù ema, “Mamɛ hvɛ ene ema tɔ̀ ònò hvɛ ema a rza òkòwɛ a arza ò lì òhwa e?” Hwahvɛhvɛ hwatò hwà mà òhwa nanù ema, “È gbèyi ndi nàa ò a ɛnɛ ema mɔ̀ à òhwa ndi ò lì hvòmɛ̀nɛ̀ mahvɛhvɛ mòhwà ma hwàyɛ̀nì.” Wɔ̀ hwà mà òhwa ndi nanù èhwanja Pàwolò à mà hwɛ lì òhwa lì hvòmɛ̀nɛ̀ ŋmɛ̀ndì mò gbamù mò ama Yerzù na hwèhvùmùwèlì.

Hwègbèèlì 18:28

O hvenda ya eni ya ŋginyà mɔ̀ à mà rzuwàna wònyà Yudà ò hwèki hwe ŋgìndì. Mɔ̀ à mà hwa telɛlɛ lì akeyà na e kààtì ya Lohwà nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Hwègbèèlì 19:13

Lòŋgò la hwatò hwa wònyà Yudà, ema hwà mà hwɛ lì lìŋgòwa èki ya arzɛ ò lì ulɛ hwèlìŋgɛ̀ hwe wòhwe ò inyò ja hwatò, wɔ hvɛ hwà mà keka ò lì gbeyàna lìinà la ama e Rzàŋgò Yerzù ò lì gbèeyà ene èwòlò. Wɔ̀ hwà mà hwɛ lì òhweyà hwèlìŋgɛ̀ hwe wòhwe nanù ema, “Nà ò kànelì ò lìinà la ama Yerzù, ema Pàwolò a òhweyà hwatò nanù ema ò wurze ò nyò ya ama òŋgò mòtò.”

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 3:20

È gbèyi tɛ nanù, e hvònda e ò jà ema Rzàŋgò à ye lɔ̀kɛ̀ mèèmà me anyu. O eŋge hvònda ndi mɔ̀ à e òmeya è Mɔ̀ ema à Ɔ̀kirzɛ̀hwɛ̀yi ema a hwɛ̀lɛ̀hwɛ̀ Yerzù ema a e hvɔ̀rzèlì.

Hwègbèèlì 5:42

Wùnyà na wùnyà tɛ hwà mà hwɛ lì ɛndɛ ò Ndawò yà Lohwà na ò indawò ja hwatò, hwà mà hwɛ lì òkòlɛ̀ hwatò na lì hwa òhwèyà ŋmɛ̀ndì mò gbamù mò ama Yerzù, è Mɔ̀ ema à Ɔ̀kirzɛ̀hwɛ̀yi.

Hwègbèèlì 8:34

Èŋge yumɛ rzìi e ijòwa Hvìlìpì nanù ema, “O nò òhweyà njɛ̀nɛ ò nò mòòhwèlì wà èlìŋgɛ̀ mɔ̀ à òhwa lì hvòmɛ̀nɛ̀ nanù e? À a òhwànɛ̀lɛ̀ ndi mɔ̀ ŋmìti ŋga òhvɛhvɛ mòtò e?”

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

1 Kɔ̀rintìyà 1:23

Ndi irzɔ ì ohwa ndi nanù ema Yerzù à mà wòmàhwɛlɛ ò mbarza. Wonyà Yudà hwa rza arza lì hweyà monò ŋmɛ̀ndì, hwaŋga hvɛ ema hwa rza enje wònyà Yudà, monò ŋmɛ̀ndì mò hwèlì ndi èèti nà wɔ̀.

1 Kɔ̀rintìyà 2:2

Nà omà nà mà hwɛ na inyɔ, nà mà àwòhwànɛ̀lɛ̀ na imba mbiti nanù ema na rza gbeyà hvɛ tɔ̀ eyà lì aka tɛ o lì ohwa lì hvomɛ̀nɛ̀ Yerzù Krirztò na e kpelì ema à mà ŋwèeyà o mbarza.

2 Kɔ̀rintìyà 6:11

Ìi wònyàmowe, hwa e mbowà ya Kɔ̀rintò! Je e tilelì hweyà hwe arzɛ e rzi hwɛ ema je e utelì tɔ̀ eyà tɔ̀ yɔ̀kɔ. I ma e uŋmɛ̀lɛ̀ nɛ mèèmà me arzu me hwèlì o tenì.

Ɛ̀hvìrzìyà 4:21

Nà hwi nanù ema e ma hweya hweyà hwe jɔ̀kɛ̀ lì hvomɛ̀nɛ̀ Krirztò. Nà oma e ma hwɛ mòtò mɔ̀kɔ na mɔ̀, hwà mà e ohweyà hweyà o lì mo hvomɛ̀nɛ̀.