Hwègbèèlì 8:32 - Mokpwe: Bakwery (New Testament)

³² Èhvarzu ya e kààtì ema òŋgò mòtò à mà hwɛ lì làŋga e ma hwɛ ndi nanù ema, “A ma timbahwa ndi nàa mɔ̀lɛ̀ŋgù ema hwa ɛ̀ndɛ̀nɛ̀ ò lì rzìika, mɔ̀ à mà hwɛ ndi nàa ŋguma ya mɔ̀lɛ̀ŋgù ema mò rza eyà luwa lìrzakò ema hwa mò rzenjòwa i rzòwe, ò èŋgànɛ̀lɛ̀ rzɔ mɔ̀ à rzi òhwe tɔ̀ eyà.

Hwègbèèlì 8:32 ပူးပေါင်းရင်းမြစ်များ

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Hwègbèèlì 8:31

Èŋge yumɛ rzi e alàhwɛ̀ Hvìlìpì nanù ema, “Nɛ na tànɛyi lì rzɔ̀ŋgìtɛ̀nɛ̀ e? Nàtɛ̀ɛ mòtò a nò telɛlɛ e yɔ.” Rzìi eŋge yumɛ e yòhwɛ Hvìlìpì ò lì agba ò ehwàmbanì rzìi wɔ̀ na mɔ̀ hwa lìya ò ekì yɔ̀kɔ.

Ròmànì 8:36

Nà òma è kààtì yà Lohwà è òhwi nanù ema, “Hwatò hwa hwèlì hwa jò òŋwa hvònda tɛ ò nyòla inyɔ. Hwa jò ɛnɛ ndi nàa mɛ̀lɛ̀ŋgù ema mè timbawi ò lì òŋwahwa.”

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.

1 Pètrò 1:19

Ndi inyɔ e ma kɔ̀tɔ̀wɔ̀ ndi na màyija ma wòlìtò ma ama Krirztò, mɔ̀ ema à mà hwɛ ndi nàa ŋguma mɔ̀lɛ̀ŋgù ema mo rzi hwɛnɛ tɔ̀ lìtònà tɔ lɔ̀kɔ ò nyo ya eni.