Hwègbèèlì 8:30 - Mokpwe: Bakwery (New Testament)

³⁰ Hvìlìpì à mà hwaŋga lì ɛndɛ lì e kòmbɛnɛ, rzìi a hweyà na òma eŋge yumɛ e làŋga, ò e kààtì ya ama e mòòhwèlì wà èlìŋgɛ̀ Àyìrzayà. Hvìlìpì rzi a mò ijòwa nanù ema, “O wa ò rzɔ̀ŋgìtɛ̀nɛ̀ mamɛ ema ò làŋga nanù e?”

Hwègbèèlì 8:30 ပူးပေါင်းရင်းမြစ်များ

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:23

Ìhvɔ̀ŋgɔ̀ hvɛ ema jò undi ò mɔ̀nyɛ̀ mò gbamù i hwèlì ndi nàa hwatò ema hwa hwèyì ŋmɛ̀ndì mò ama Lohwɛ̀ rzìi hwa mò rzɔ̀ŋgìtɛ̀nɛ̀. Hwa gbeyà rzayi-rzayi ja hweyà hwe gbamù. Ò jɔ̀kɛ̀, wɔ̀ hwa gbèyi rzɔ ndì nàa hwèrzòŋgò ema hwe òhvi lòŋgò egbe, hwenɛyi hvɛ menì mòtòhwa na rzàyiyàwò ja hvɔ̀ŋgɔ̀.”

Matiyò 13:51

Yerzù rzìi a ijòwa hwà-òkòwèlì hwa eni nanù ema, “Inyɔ e ma rzɔ̀ŋgìtɛ̀nɛ̀ hwenè hwèyòkòwèlì hwe arzɛ e?” Wɔ̀ rzìi hwa mò alàhwɛ̀ hwa ama “Ɛ̀ɛ.”

Matiyò 15:10

Yerzù rzìi à hwɛlɛ e ŋgìndì ò lì mò jèeyà rzìi a hwa òhweyà nanù ema, “Inyɔ̀ hwa arzɛ e nò òkànèyà, e rzɔ̀ŋgìtɛ̀nɛ̀ hvɛ kɔ̀yi-kɔ̀yi!

Matiyò 24:15

“O èŋgànɛ̀lɛ̀ rzɔ inyɔ è ò ɛnɛ ò èki ya wòtani yòma ya ŋgandi ema e ma jànɛ ìrzɔnì ò wòrzò wò ama Lohwɛ̀, ema e ma gbèyɛ̀nɛ ò e ndawò yà Lohwà na òma e Mòòhwèlì wà èlìŋgɛ̀ Dànìyɛ̀lì à mà òhwe ama e ò gbèyɛ̀nɛ.” (Inyò ema e hwèlì e laŋga hwene hweyà, e hwe rzɔ̀ŋgìtɛ̀nɛ̀ kɔ̀yi-kɔ̀yi).

Makòrzì 13:14

“È ò ɛnɛ nà òma eyà ya mà-ɔ̀ŋgɔ̀ ema e ò jànà erzàmbò ò wòrzò wò ama Lohwɛ̀ e ò hwɛ ò èki ema e rza aŋgàmɛnɛ lì hwɛ.” (Inyɔ ema e laŋga hwenè hweyà e hwe rzɔ̀ŋgìtɛ̀nɛ̀ kɔ̀yi-kɔ̀yi). “È ɛni tɛ nanù, hwatò ema hwa hwèlì ò Jùdeyà hwa hwaŋga lì ɛ̀ndɛ̀ lì utàmà ò ŋmanyu ja meeyòlì.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Hwègbèèlì 8:27

O èŋgànɛ̀lɛ̀ rzɔ, Hvìlìpì mɔ̀ à mà wòŋgirzɛnɛ rzìi a ɛndɛ, ò yɔ̀ndɔ̀ ya eni à mà uŋmànɛlɛ munyanà mɔ̀kɔ wa ŋgbakò ema à mà hwɛ lì timba ò èkòmè ya eni. Onò mòtò à mà hwɛ ndi mòkànèlì mò ndɛnɛ, à mà hwɛ lì ɔŋgeya lùùtà la arzɛ la Kàndɛrzi la gbàata wò Ètòpìyà. Onò munyanà à mà ɛndɛ ò Jèrurzalɛ̀mù ò lì kànɛ Lohwɛ̀.

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Hwègbèèlì 8:31

Èŋge yumɛ rzi e alàhwɛ̀ Hvìlìpì nanù ema, “Nɛ na tànɛyi lì rzɔ̀ŋgìtɛ̀nɛ̀ e? Nàtɛ̀ɛ mòtò a nò telɛlɛ e yɔ.” Rzìi eŋge yumɛ e yòhwɛ Hvìlìpì ò lì agba ò ehwàmbanì rzìi wɔ̀ na mɔ̀ hwa lìya ò ekì yɔ̀kɔ.

Hwègbèèlì 8:5

Hvìlìpì mɔ̀ à mà ɛndɛ ò mbòwa ndɛnɛ hvɔ̀kɔ yà erzòòkà yà Rzàmàrìyà, rzìi a à hwa òhweyà Ŋmɛ̀ndì mò Gbamù mò è Mɔ̀ ema à Ɔ̀kirzɛ̀hwɛ̀yi.

1 Kɔ̀rintìyà 14:19

Ndi o tenì ya hwèlìyelì hwe Ndawò yà Lohwà, nà lɔ̀wu lì ohwa hweyà hweta ema hwe òŋgòwànà hwàhvɛ̀hvɛ̀ hwatò ò lì rzɔ̀ŋgìtɛ̀nɛ̀, lì aka lì ohwa, lìyòmè la hwekolì hwe hweyà o mbɔrzi ema tɔ̀ mòtò a rzà rzɔ̀ŋgìtɛ̀nɛ̀.

Ɛ̀hvìrzìyà 5:17

O èŋgànɛ̀lɛ̀ rzɔ è rzì hwɛ nàa hwèeti hwe hwatò. È àŋgàmɛ̀nɛ̀ ndi lì rzɔ̀ŋgìtɛ̀nɛ̀ eyà ema e Rzàŋgo e arzà nanù ema e gbèyè ndèŋgàna ye e gbeyà.

Hwèwulùwèlì 13:18

Lìhwìyè lì àŋgàmɛ̀nɛ̀ lì gbeyànɛ̀hwɛ̀ anu. Inyɛ̀ tɔ̀ ima mòtò ema à hwɛni lì rzɔ̀ŋgìtɛ̀nɛ̀ à kɔ̀kè jànda jà mɔ̀rzɔ̀ŋgi mò è èembe, ehwànja mò hwèlì ndi mɔ̀rzɔ̀ŋgi mò lìnà là mòtò. Oŋgo mòtò mɔ̀rzɔ̀ŋgi mò eni mò hwèlì ndi hwègbe mòtohwa nà mènì mòtohwa nà mòtohwa.