Hwègbèèlì 8:27 - Mokpwe: Bakwery (New Testament)

²⁷ O èŋgànɛ̀lɛ̀ rzɔ, Hvìlìpì mɔ̀ à mà wòŋgirzɛnɛ rzìi a ɛndɛ, ò yɔ̀ndɔ̀ ya eni à mà uŋmànɛlɛ munyanà mɔ̀kɔ wa ŋgbakò ema à mà hwɛ lì timba ò èkòmè ya eni. Onò mòtò à mà hwɛ ndi mòkànèlì mò ndɛnɛ, à mà hwɛ lì ɔŋgeya lùùtà la arzɛ la Kàndɛrzi la gbàata wò Ètòpìyà. Onò munyanà à mà ɛndɛ ò Jèrurzalɛ̀mù ò lì kànɛ Lohwɛ̀.

Hwègbèèlì 8:27 ပူးပေါင်းရင်းမြစ်များ

Matiyò 12:42

O wùnyà wò hwèkàyìrzèlì è mòkànèlì wa mòlanà ema à mà hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. À ò tɛ̀mɛ̀ mbòŋgi ema è ò gbèyɛ ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.”

Yòwanìrzɛ̀ 12:20

Lòŋgò la hwatò hwa Grìki hwà mà hwɛ na hwanɛ̀yi hwatò ema hwà mà ɛ̀ndɛ ò Jèrurzalɛ̀mù lì kanɛ̀ ò e hvònda ya è Ndèma yà lì Aka Ɔ̀nɛyi.

Hwègbèèlì 8:28

Nà òma à mà hwɛ lì timba, à mà lìya ò tenì ya ehwàmbanì ema e ma kòowahwa na e wɔ̀rzì, na òma à mà hwɛ lì ɛndɛ, rzìi a à làŋga e kààtì ya ama e mòòhwèlì wà èlìŋgɛ̀ Àyìrzayà.

Hibrù 11:8

Lìlòkɛ̀ lɔ̀ ndi lì ma gbeyà ema Abràhamù a hweyàne Lohwɛ̀, e hvonda ema Lohwɛ̀ à mà mo òhweyà ema a anjiya o e mbowà ema à mà lìya lì ɛ̀ndɛ lì lìya o ehvɛhvɛ èki ema mɔ̀ à mà mo rzekeya ema a lìye. A ma hweyàna Lohwɛ̀, rzìi a ɛ̀ndɛ, tɔ̀ nɛ mɔ̀ à rzìi hwiye èki ema à mà hwɛ lì ɛndɛ.