Hwègbèèlì 8:23 - Mokpwe: Bakwery (New Testament)

²³ Imba na ɛnɛ nanù ema, ò wa ò òndi na inòna ja ŋginyà, ndèŋgàna ò hwèlì ndi mòtò wa hwèwòwà ò wòhwe.”

Hwègbèèlì 8:23 ပူးပေါင်းရင်းမြစ်များ

Yòwanìrzɛ̀ 8:34

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, tɔ̀ ima mòtò ema a gbèe wòhwe a hwèlì ndi mòkòme ò wòhwe.

Ɛ̀hvìrzìyà 4:31

È ulɛ̀ màlùtèyà mà wòhwe mà arzɛ ema mè è hwèlì ò mèèmà mè anyu, rzìi è hwɛmɛ lì ambirzɛnɛ nà hwètàtò hwe ŋginyà ema hwe hwèlì ò mèèmà mè anyu. È hwàà, motàŋgo, nà ɛkɔ̀ni ò mèèmà mè anyu. È rzi tɔ̀wɔ tɔ̀ lì ahwɛnyɛnɛ mɔ̀kɔ nà ɔ̀nɛyi, è rzi ahwɛ̀nɛ̀nɛ̀ wɔ̀ɔ̀ nà tɔ̀ ima mòtò.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.