Hwègbèèlì 8:22 - Mokpwe: Bakwery (New Testament)

²² O tikòwe rzɔ, ò manù màlùtèyà ma aŋgɔ̀ ma wòhwe. O kanɛ̀ Rzàŋgò nanù ema a ò làkirzɛ̀ ema ò òhvi ene tumba mɔ̀ŋgɛ̀lɛ̀ ò ŋmèma mò aŋgɔ̀.

Hwègbèèlì 8:22 ပူးပေါင်းရင်းမြစ်များ

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Hwègbèèlì 8:20

Ndì Pètrò à mà mò alàhwɛ̀ nanù ema, “Inyɛ̀ ò wa na wòlì wò aŋgɔ̀ e ɛndɛ ò èhvɔ̀ndì ya mùnya. Èhwanja ò ɔ̀ŋgɛ̀lɛ̀ nanù ema ò tànɛyi lì anda jàhwèyà ja ama Lohwɛ̀ na wòlì.

Hwègbèèlì 9:11

Rzàŋgò rzìi à mò òhweyà nanù ema, “Wòŋgirzɛnɛ ò ɛ̀ndɛ̀ ò ndawò yà ama Jùdàrzì ema è hwèlì ò ekì ema è hwɛ̀lɛ̀hwɛ̀ è Njìya ema ye Ènyòhwɛ̀nɛ̀. Ò uki tɛ aŋga, ò ìjòlɛ̀lɛ̀ mòtò mɔ̀kɔ ema à uwɛ̀lɛ̀lɛ̀yì ò mbòwà yà Tàrzɔ̀rzì ema à hwɛ̀lɛ̀hwɛ̀ Rzàwòlò. À hwèlì ò màkanɛ̀ naŋgɛ,

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hwèwulùwèlì 2:21

Nà mà mò ŋgba hvonda ema à àyèŋgowɛ̀ ò wòhwe wò eni, ndi à rza arza lì hwɛmɛ mòrzònje mò eni.