Hwègbèèlì 8:21 - Mokpwe: Bakwery (New Testament)

²¹ O rza hwɛni tɔ̀ eyà ya lì gbeyà tɔ̀ lìkayi ò èwòlò ya arzu. Èhwanja ŋmèma mò aŋgɔ̀ ò mirzɔ̀ mà ama Lohwɛ̀ mò rza rzaŋgi ò tenì.

Hwègbèèlì 8:21 ပူးပေါင်းရင်းမြစ်များ

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Ɛ̀hvìrzìyà 5:5

È hwɛnì lì hwiya nanù ema tɔ̀ ima mòtò ema a hwèlì mòrzònje, rzìi a à gbeyà hweyà hwe mbindo tɔ̀ ema a hwèlì wɔ̀ɔ̀, a rza o kpèeyà o lìkànèyà la ama Krirztò na Lohwɛ̀, ndèŋgàna a rza o luwa hwèèmà hwe gbamù ema Lohwɛ̀ a ohwi nanù ema a ŋgba. È mòtò ema a hwèlì wɔ̀ a gbèyi ndi nàa mòtò ema a kànɛ̀lɛ̀lɛ̀ ma hvɛhvɛ mohwà.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 22:19

È hwèlì tɛ nanù ema mòtò a kako tɛ tɔ̀ eyà ema e ma tìlahwɛ o tenì ya ene kààtì lì hvomɛ̀nɛ̀ hweyà ema hwe o gbèyɛ̀nɛ, Lohwɛ̀ a o kakòhwà lòŋgo la eni la hwehvùma ema hwe gbeyà mòtò o lì hwɛ o lòŋgɛ natɛ̀ɛ na o gbìndèyà. Ndeŋgànɛ̀lɛ̀ Lohwɛ̀ a o kakòhwà ehvolo ya eni o tenì ya e mbowà ndɛɛndɛ ya wòtani. Hwene hweyà ndi hwe tìlahwì o tenì ya ene kààtì.