Hwègbèèlì 8:14 - Mokpwe: Bakwery (New Testament)14 Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀. အခန်းကိုကြည့်ပါ။ |
Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.
Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.
O hwèlì hvɛ lì hvɛhvɛ lìtiŋgà ema lì gbèyi i ŋgbàa Lohwɛ̀ jèka ihvonda ja àrzɛ. È hvonda ema i ma e jàneyà Ŋmɛ̀ndì mo ama Lohwɛ̀, e ma mo hweyà, rzìi e ma mo imànɛlɛ. Inyɔ e rzi mo imànɛlɛ ndi nàa ŋmɛ̀ndì ema mo uwɛ̀lɛ̀lɛ̀yi na mòtò wà hwènàmà ndi e ma mo emeyà ndi nàa Ŋmɛ̀ndì ema mo uwɛ̀lɛ̀lɛ̀yì o ma Lohwɛ̀ ema o jɔ̀kɛ̀ nanù ndi e hwèlì. Ndeŋgànɛ̀lɛ̀ eŋge mbɔrzi ndi Lohwɛ̀ a gbeyàna o ìtììtènì ja anyu o lì oŋgowàna inyɔ ema e lòkɛ̀.