Hwègbèèlì 8:13 - Mokpwe: Bakwery (New Testament)

¹³ Rzimɔ̀ni mɔ̀ ŋmìti, mɔ̀ hvɛ à mà lòkɛ̀ rzìi a lùhwìrzɛ̀hwɛ̀. A ma òŋgama Hvìlìpì ò ekì ya arzɛ ema à mà ɛndɛ, ndèŋgànɛ̀lɛ̀ à mà jejeya hweyà hwe mànyakà hwe ndɛnɛ na hwembànèlì ema à mà ɛnɛ Hvìlìpì a gbeyà.

Hwègbèèlì 8:13 ပူးပေါင်းရင်းမြစ်များ

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Yòwanìrzɛ̀ 5:20

Èhwanja Tatɛ̀ a lìŋgàni è Ŋmanà wà eni, ò èŋgànɛ̀lɛ̀ a mò uŋmɛ̀lɛ̀ mamɛ ya arzɛ ema mɔ̀ à gbeyà. A ò mò uŋmɛ̀lɛ̀ hvɛ hweyà hwe ndɛnɛ ò lì gbeyà lì aka hwenè, aŋga nanù òma inyɔ hwa arzɛ e ma jeja.

Yòwanìrzɛ̀ 7:21

Yerzù rzi a hwa òhweyà nanù ema, “Nà mà gbeyà eyà ya mànyakà yɔ̀kɔ ndi inyɔ hwa arzɛ e ma nò tàmeyà.

Hwègbèèlì 13:44

O wònɛyi Wùnya wò lì Arzìyòlɛ, ò ma gbeyà ndi nàa hwatò hwa arzɛ hwa eŋge mbòwà hwà mà ukeya ò lì òkànèyà eyà ya ama Rzàŋgò.

Hwègbèèlì 19:11

Lohwɛ̀ à mà gbeyà nanù ema Pàwolò a gbeyà hweyà hwe mànyàka ema hwatò hwa rzi nyàmɛ̀lɛ̀ ò lì ɛnɛ.

Hwègbèèlì 3:10

Hwà mà mò emba ema mɔ̀ ndi à mà hwɛ lì lìya ò lì ɔmbɔ hwèèmà ò hwèkpèèlì ema hwe hwɛ̀lɛ̀hwɛ̀ mòlòŋgà hwe e kɔ̀tɔ̀ ya e Ndawò ya Lohwà. Wɔ̀ hwà mà ònda na hwètàmìrzèlì na lì jèja lì hvòmɛ̀nɛ̀ eyà ya gbamù ema e ma mò gbèyɛnɛ.

Hwègbèèlì 8:21

O rza hwɛni tɔ̀ eyà ya lì gbeyà tɔ̀ lìkayi ò èwòlò ya arzu. Èhwanja ŋmèma mò aŋgɔ̀ ò mirzɔ̀ mà ama Lohwɛ̀ mò rza rzaŋgi ò tenì.