Hwègbèèlì 7:60 - Mokpwe: Bakwery (New Testament)

⁶⁰ Aŋga ndi a à rzùma màwɔ̀ŋgɔ̀ŋgɔ̀ ma eni ò rze, rzìi a eyà na lìlò lì kàrzàmi nanù ema, “Ìi Rzàŋgò, ò hwa làkìrzɛ̀ ò wònò wòhwe ema hwa gbeyà.” Nà òma à mà kulɛ ò lì òhwa nanù, rzìi a ŋwa.

Hwègbèèlì 7:60 ပူးပေါင်းရင်းမြစ်များ

Matiyò 27:52

Irzɔ̀ŋgɔ̀ ima lìhvòweya rzayi-rzayi ja hwatò hwa Lohwà ema hwà mà lòmɛ lì ŋwa, hwà mà hvùmùwà.

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Lukàrzɛ̀ 22:41

À mà hwa akakòwɛ eyà ya ŋgùrzù jà màtàŋgà, rzìi à rzùma màwɔ̀ŋgɔ̀ŋgɔ̀ mà eni ò rze, rzìi à wòteyà lì kanɛ̀ nanù ema,

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Lukàrzɛ̀ 6:28

È nàmìrzɛ̀ hwaŋga ema hwa è jèmàà, e kànɛlɛ̀lɛ̀ hwaŋga ema hwa è gbeyànà wòhwe wò injùwènjùwè.

Yòwanìrzɛ̀ 11:11

Yerzù rzìi a òhwa ene, rzìi a hwatɛ hvɛ ama, “Mbunda arzu Làrzàrɔ̀rzì à naŋga lì naŋga ndi ò nàŋgɛ na ɛ̀ndɛ lì mò imòlɛ.”

Hwègbèèlì 13:36

Irzɔ i hwi nanù ema e hvònda ema kiŋgɛ Dàhwitì a hwèlì lòŋgɛ, à mà gbèeya Lohwɛ̀ na òma Lohwɛ̀ à mà arze. O mburza nanù, à mà ŋwa, hwà mà mò imeya ò ekì ema hwà mà imeya imbamba ja eni ò eŋgànɛ̀lɛ̀ à mà rzɔ̀mbɔ̀.

Hwègbèèlì 20:36

È hvònda ema Pàwolò à mà kulɛ lì òhwa, à mà rzuma màwɔ̀ŋgɔ̀ŋgɔ ma eni ò rze na wɔ hwa arzɛ rzi hwa kànɛ.

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Hwègbèèlì 9:40

Pètrò à mà hwa wurzirzɛ hwa arzɛ ò tenì ya eŋge tùu, rzìi a rzùma màwɔ̀ŋgɔ̀ŋgɔ̀ ma eni ò rze, rzìi a wòteyà ò lì kànɛ̀. Rzi a àyèŋgòwɛ̀lɛ̀lɛ̀ mòŋgò ŋmìmbà, a òhwa nanù ema, “Tàbità, tɛ̀mɛ̀nɛ ò ŋmanyu!” Tàbità à mà kutuwa mìirzɔ ma eni. Nà òma à mà ɛnɛ Pètrò rzìi a tɛ̀mɛ̀nɛ̀.

1 Kɔ̀rintìyà 11:30

Ɔ̀ndeŋgàtɛ̀ rzayì-rzayì ja hwa inyɔ e hweyà inyo ja anyu rzilìlì na lì ɔ̀kìrzɛ̀ hvɛ nyayi na nyayi ja merziyo, rzi rzayi-rzayi ja hwa inyɔ hvɛ e ma ŋwa.

1 Kɔ̀rintìyà 15:18

È uŋmɛ̀lɛ̀ hvɛ ndi nanù ema hwaŋga hwatò ema hwà mà lòkɛ̀ Krirztò ema hwà mà ŋwɛɛ hwa wɔ̀.

1 Kɔ̀rintìyà 15:20

Ndi e jɔ̀kɛ̀ e hwèlì ndi nanù ema, Lohwɛ̀ ama hvùmùlɛ̀ Krirztò o kpelì. Krirztò ndi à hwèlì e mòtò wa worzò o lì hvùmùwà o kpelì, o tenì ya hwatò hwa arzɛ e ma hwà mà ŋwɛɛ.

1 Kɔ̀rintìyà 15:51

È okànèyà na e ohweyà hweyà ema hwatò hwa rza hwiyɛ. Irzɔ hwa arzɛ i rza o ŋwa, ndi Lohwɛ̀ a jo tikowa i rzɔ hwa arzɛ

1 Kɔ̀rintìyà 15:6

Rzìi à mà wurzeya hvɛ lì aka hwègbe hweta hwe hwatò ema hwà mà hwe lì mo nɔ̀ŋgɔ o ŋgelì hvɔ̀kɔ. Lòŋgò la hwaŋga hwatò hwe e hwèlì lòŋgɛ, lòŋgo hvɛ hwà mà ŋwa.

1 Tɛ̀rzàlonìyà 5:10

Yerzù à mà jo ŋwèeyà aŋga nanù, i hwɛ lòŋgɛ tɔ̀ i ŋwa, e hvonda ema a o jɛ̀ɛ̀, irzɔ jo ò hwɛ na mɔ̀.

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.

2 Pètrò 3:4

o lì ohwa nanù ema, “A ma ohwa nanù ema a jà hvɛ, one mɔ̀ à hwèlì nàŋgɛ e? Irzàŋgo ja arzu i ma màa lì ŋwa kohwaa, ndi tɔ̀ ima eyà e hwèlì ndi nanù mɛnɛ, na oma e ma hwɛ natɛ̀ɛ na o ewèkelì ya e rze.”