Hwègbèèlì 7:58 - Mokpwe: Bakwery (New Testament)

⁵⁸ Rzìi hwa mò kòòhwa ò lì mò anjiyana ò tènì yà mbòwa rzìi hwa wòteyà ò lì mò aŋgba màŋyàyi. Hwàtò ema hwa mà tɛ̀mɛ̀ imbòŋgi ò è kɔ̀kìrzɛ̀ yà ama Rzìtehvànɛ, hwa mà rzòlòwà ikòti jà awu rzìi hwa ɛndɛ hwa jì aŋgbeyà mberza hvɔ̀kɔ ema è mà hwɛ̀lɛ̀hwɛ̀ Rzàwòlò ò wòrzò wò eni ò lì hwa ɔ̀ŋgeyà è jɔ̀.

Hwègbèèlì 7:58 ပူးပေါင်းရင်းမြစ်များ

Lukàrzɛ̀ 4:29

Hwa mà tɛ̀mɛ̀ rzìi hwa à mò tindɛ̀lɛ̀, ò lì mò hvayà ò mbòwà yà àwu. Rzìi hwa mò àgbana ò ŋgòndoŋgòndò yà mòòlì kanatɛ aŋga ndi hwà mà òŋge, ema hwa mò hvìmbe ò rze yà èŋge mbèmbè yà mòŋgò mòòlì.

Hwègbèèlì 22:20

È hvònda ema hwa mà òŋwe Rzìtehvànɛ ema à mà hwɛ lì òhwa hweyà lì ò hvòmɛ̀nɛ̀, imba mbiti nà mà hwɛ aŋga. Nà mà emeyà nanù ema à òŋwahwe ndèŋgànɛlɛ imba ndi nà mà òhva mààtù mà hwaŋga hwatò ema hwa mà mò òŋwa.’

Hwègbèèlì 22:23

Hwa mà hwɛ lì tɛ̀ɛ̀, lì hvɛhvɛ mààtù mà awu ò ŋmanyu, nà ò lì hvimba è rzɔ̀hwɛ ò ŋmanyu ò lì uŋmɛ̀lɛ̀ hwètàtò hwe awu nà Pàwolò.

Hwègbèèlì 22:4

Nà mà tàkirzɛ hwatò ema hwa mà òŋgama è njiya yà ama Yerzù rzayi-rzayi natɛ̀ɛ lòŋgò hwa ŋwa. Nà mà hwɛ lì ŋgbaŋgɛ wunyanà nà hwalanà rzi nà hwa aŋgɛ ò hwèwòwà.

Hwègbèèlì 26:10

Ò jɔ̀kɛ̀, nanù ndi nà mà gbeye ò Jèrurzalɛ̀mù. Nà ma luwa wònjà na e pìlìrzì ndɛnɛ ò lì aŋgɛ rzàyi-rzàyi ja hwatò hwa ama Lohwɛ̀ ò hwèwòwà. È ma hwɛ tɛ nanù ema hwà mà akɛlɛ tɛ e mbàkò nanù ema hwa hwɛni lì ŋwa, imba hvɛ mbiti nà mà emeyà.

Hwègbèèlì 6:11

O èŋgànɛ̀lɛ̀ rzɔ wɔ̀ hwà mà aka hwatò ò jututa ò lì òhwa nanù ema, “Irzɔ i hweyi Rzìtehvànɛ a òhwa mbɔrzi ya ìrzìlàkò lì teŋgɛ̀nɛ̀ Mòrzè na lì teŋgɛ̀nɛ̀ Lohwɛ̀.”

Hwègbèèlì 6:13

Hwà mà jànà lòŋgò la hwatò ò lì mò tɛmeya mbòŋgi ya mòlàŋgà. Hwanu hwatò hwà mà òhwa nanù ema, “Onò mòtò a òhwa hweyà hwe wòhwe ò i hvònda ja arzɛ lì teŋgɛ̀nɛ̀ e Ndawò yà Lohwà ema e hwèlì wòtani na lì teŋgɛ̀nɛ̀ imbenda ema Lohwɛ̀ à mà jò ŋgbɛ.

Hwègbèèlì 7:57

Nà òma wòlìya wò mà hweye nanù, rzìi hwa umba matò mà awu nà màà mà awu, rzìi hwa wòteyà lì tɛ̀ɛ̀ ò ŋmanyu nà lìlò lì karzamì rzìi hwa arzɛ hwa urzùweyà Rzìtehvànɛ.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.