Hwègbèèlì 7:26 - Mokpwe: Bakwery (New Testament)

²⁶ Ènɛyi eka ya elele Mòrzè rzìi a ɛnɛ hvɛ hwatò hwa wònyà Irzàyɛ̀lì hwahwàkɛ hwa ana. Rzìi à keka lì hwa rzeeya ema hwa jèe ò ɛ̀yɔ̀lɛ̀. Rzìi à hwa òhweyà nanù ema, ‘È rza enje e jɔ̀kɛ̀ nanù ema inyɔ e yàhwi e? Mamɛ ndeŋgatɛ e arza lì àhwenìrzɛ̀nɛ̀ mɔ̀kɔ na ɔ̀nɛyi e?’

Hwègbèèlì 7:26 ပူးပေါင်းရင်းမြစ်များ

Matiyò 14:22

Yerzù rzìi à òhweyà hwà-òkòwèlì hwa eni ema hwa kpèeyà ò wɔ̀lɔ̀ hwa ɛ̀ndɛ ò wòrzò ò ɛnɛyi èhvarzù yà yùlu, rzìi à òhweyà eŋge ŋgindi ò lì timba ò màndawò mà awu.

Hwègbèèlì 7:25

Mòrzè à mà ɔ̀ŋgɛ̀lɛ̀ nanù ema, e hwa eni hwatò hwa ò embɛ nanù ema, Lohwɛ̀ a hwèlì a mò gbeyàna ò lì hwa kàrzòlɛ̀ ò màà mà hwatò hwa Ìjiptò, ndi wɔ̀ hwa rzi rzɔŋgìtɛ̀nɛ.

Hvìlipìyà 2:1

Nà oma e hwèlì mɔ̀kɔ na Krirztò e kɔ̀mɛlɛhwɛyi, ndèŋgànɛ̀lɛ̀ e ndìŋgɛ ya eni è e ŋgba etembe, inyɔ e alàtanɛ na Èlìŋgɛ̀ yà Wòtani. È awuŋmɛ̀lɛ̀nɛ mèèmà me gbamù na lì a okànɛ̀lɛ̀ mɔ̀kɔ na ɔnɛyi ììlì.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.