Hwègbèèlì 6:10 - Mokpwe: Bakwery (New Testament)

¹⁰ Ndi Èlìŋgɛ̀ yà Wòtani e ma mò ŋgba nyayi tumba ya lìhwiyè ema mɔ̀ à mà òhwa tɛ eyà wɔ̀ hwa rzìi tànɛyi ò lì eŋgòwa.

Hwègbèèlì 6:10 ပူးပေါင်းရင်းမြစ်များ

Lukàrzɛ̀ 1:17

A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Yòwanìrzɛ̀ 7:46

Rzìi hwàkutu hwa e Ndawò yà Lohwà hwa òhwa nanù ema, “I rzi hweyi wùnyà ema mòtò à mà òhwɛ nàa ò nò mòtò a òhwi.”

Hwègbèèlì 5:39

Ndi e hwèlì tɛ nanù ema Lohwɛ̀ mɔ̀ ndi à hwa ŋgbelì e ŋginyà, inyɔ e rza tanɛyi ò lì tɛmirzɛ hwanu hwatò. Rzìi ò lìrzùkù inyɔ e ò ayembɛ nanù ema yà ana ndi lì teŋgɛ̀nɛ̀ Lohwɛ̀.” Wòlìya wò ma emeyà mayòwà mà ama Gàmàlìyɛ̀lì.

Hwègbèèlì 6:11

O èŋgànɛ̀lɛ̀ rzɔ wɔ̀ hwà mà aka hwatò ò jututa ò lì òhwa nanù ema, “Irzɔ i hweyi Rzìtehvànɛ a òhwa mbɔrzi ya ìrzìlàkò lì teŋgɛ̀nɛ̀ Mòrzè na lì teŋgɛ̀nɛ̀ Lohwɛ̀.”

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Hwègbèèlì 7:51

Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.