Hwègbèèlì 5:33 - Mokpwe: Bakwery (New Testament)

³³ Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

Hwègbèèlì 5:33 ပူးပေါင်းရင်းမြစ်များ

Matiyò 1:19

Kànàtɛ̀ Jòrzɛ̀hvù è mùnyanà wà eni à mà hwɛ ndi mòtò wà gbamù, à rzi lìŋgàne lì jàneyà Màliyɛ̀ ìrzɔnì. O èŋgànɛ̀lɛ̀ à mà lùtèya ò ŋmèma ò lì hvaŋga ehwàndà ò jututa.

Matiyò 10:21

Hwatò hwa ò ŋgba wònyanyàŋgò hwa awu ò màà mà hwahvɛhvɛ hwatò ò lì hwa òŋwa. Irzàŋgo hvɛ ì gbeyànà hwàànà hwa awu nanù mɛnɛ, hwàànà hwa teŋgɛ̀nɛ̀ irzàŋgo nà inyàŋgò ja awù ò lì arza nanù ema hwà òŋwahwe.

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 6:11

Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 22:22

Hwàtò hwa mà òkànèyà Pàwolò natɛ̀ɛ è hvònda ema mɔ̀ à mà òhwe nanù ema Lohwɛ̀ à mà mò òma ò lì ɛndɛ ò hwatò ema hwa rza enje wònyà Yudà. Nà òma hwa mà hweye nanù, rzìi hwa wòteyà lì tɛ̀ɛ̀ ò ŋmanyu nà màlò mà kàrzàmi, lì òhwa nanù ema, “È mò ɛ̀ndɛ̀nɛ̀! È mò òŋwe! À rza kànɛ̀yì ò lì hwɛ lòŋgɛ!”

Hwègbèèlì 7:54

Nà òma wòlìya wò mbòwa hwà mà òkànèyà hweyà ema Rzìtehvànɛ à mà hwɛ lì òhwa, wɔ̀ hwà mà òhva hwetatò rzayi-rzayi rzìi hwa a kɔ̀kɔ̀ mehvehve me awu.

Hwègbèèlì 9:23

O mburza ya rzayi-rzayi ja mèenyà ema me ma aka, wònyà Yudà hwà mà arzàŋganɛ rzìi hwa wèka ŋmanò mò lì òŋwa Rzàwòlò.