Hwègbèèlì 5:32 - Mokpwe: Bakwery (New Testament)

³² Irzɔ ì hwèlì ndi mbòŋgi ò hwenè hweyà hwe arzɛ ema hwe mà gbèyɛ̀nɛ̀. Èlìŋgɛ̀ yà Wòtani yɔ̀ hvɛ è hwèlì ndi mbòŋgi. Ndeŋgànɛ̀lɛ̀ yɔ̀ ndi è hwèlì làhweyà ema Lohwɛ̀ à ŋgba hwatò ema hwa mò hweyàna.”

Hwègbèèlì 5:32 ပူးပေါင်းရင်းမြစ်များ

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 10:44

Nà òma Pètrò mɔ̀ à mà hwɛ lì òhwa nanù, Èlìŋgɛ̀ yà Wòtani rzi è rzihweyà hwaŋga hwatò hwa arzɛ ema hwa mà hwɛ lì òkànèyà mòŋgò ŋmɛ̀ndì.

Hwègbèèlì 13:31

ndèŋgànɛ̀lɛ̀ ò tenì yà rzayi-rzayi jà mèenyà mɔ̀ à mà à uŋmɛ̀lɛ̀ mɔ̀ ŋmìti ò hwatò ema wɔ̀ nà mɔ̀ hwa mà ɛ̀ndɛ̀lɛ̀nɛ̀ lì wòteyà ò Galìlì natɛ̀ɛ nà ò Jèrurzalɛ̀mù. Ò naŋgɛ nanù hwaŋga hwatò ndi hwa òhweyà hwatò hwa Irzàyɛ̀lì mamɛ ema hwa mà ɛnɛ.

Hwègbèèlì 15:28

Èlìŋgɛ̀ yà Wòtani e ma jò lìyɛlɛ nanù ema i rza e tàkirzɛ na hwehvɛhvɛ hweyà lì aka tɛ hwene hweyà ema hwe hwèlì wòlìtò.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 5:29

Pètrò nà inɛyi àpɔ̀rzìtòlò rzìi hwa alàhwɛ̀ nanù ema, “I hwɛni lì hweyàna Lohwɛ̀ rzeketɛ hwatò hwa hwènàmà.

Ròmànì 8:16

Èlìŋgɛ̀ ya ama Lohwɛ̀ e ma jò gbeyà ò lì hwiya ò mèèmà me arzu nanù ema i hwèlì ndi hwàanà hwa ama Lohwɛ̀.

2 Kɔ̀rintìyà 13:1

È ŋgèlì ema e ùkirzɛ̀yi iyàwò yɔ ene, ema na jà o lì ehvɛhvɛ. È tìlahwì o kààtì ya Lohwà nanù ema, “Hwa kàyìrzɛ̀ tɛ mòtò, hwa hwɛni lì òkànèyà mboŋgi ihwakɛ tɔ̀ iyàwò.”

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.