Hwègbèèlì 5:26 - Mokpwe: Bakwery (New Testament)

²⁶ Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.

Hwègbèèlì 5:26 ပူးပေါင်းရင်းမြစ်များ

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 21:26

Ndi i òhwi tɛ nanù ema, ‘È wònja ya eni e uwɛ̀lɛ̀lɛ̀yi ndi ò hwatò hwa hwènàmà,’ nanù òma ene ŋgindi ya hwatò e jò gbeyàna wòhwe, èhwanja wɔ̀ hwa arzɛ hwa hwi ema Yòwanìrzɛ̀ à mà hwɛ ndi Mòòhwèlì wà èlìŋgɛ̀.”

Matiyò 26:5

Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Matiyò 26:58

Nà òma hwa mà wòwe Yerzù, Pètrò hvɛ à mà mò nɔ̀ŋgɔ ò mburzà ŋmanà hvòka natɛ̀ɛ hwa mà jà lì kòmbɛnɛ èwòka yà ama Kàyìhvàrzì. À mà kpèeyà rzìi à lìya nà hwà-ɔ̀ŋgèlì hwa è Ndawò yà Lohwà ò lì ɔ̀ŋgɔ nɛ mòŋgò ŋmaŋgò mò ama Yerzù mò kuweya.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 20:6

Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 22:2

È Pìlìrzì ndɛnɛ nà hwà-òkòlèlì hwa mbenda, hwà mà òka hwatò wɔ̀ŋgɔ̀. Ndi hwa mà hwɛ lì àrza ŋmanò mò lì òŋwà Yerzù ò jùtuta.

Lukàrzɛ̀ 22:4

Jùdàrzì rzii a ɛ̀ndɛ lì ùŋmanɛlɛ Ipìlìrzì ndɛ̀nɛ, nà hwàkànèlì hwa è Ndawò yà Lohwà rzi a hwa òhweyà, nɛ mɔ̀ à tànɛyì lì hwa àhwìrzɛ̀lɛ̀lɛ̀ Yerzù.

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 5:13

Tɔ̀ nɛ hwatò hwà mà hwa hwɛlɛ miinà mà gbamù, hwaŋga hwà mà òka wɔ̀ŋgɔ̀ ò lì hwa lata nanù mɛnɛ.

Hwègbèèlì 5:22

Ndi na òma iŋgi rzònja i ma ùke ò hwèwòwà, hwa rzìi ùŋmanɛlɛ iŋgi àpɔ̀rzìtòlò aŋga, ò èŋgànɛ̀lɛ̀ wɔ̀ hwà mà tìmba ò lì òhweyà wòlìya nanù ema,

Hwègbèèlì 5:24

È hvònda rzɔ ema Ipìlìrzì ndɛ̀nɛ na òŋgò mòkànèlì wa pòlìrzi ema a kànèyà hwàɔŋgèlì hwa e Ndawò yà Lohwà hwà mà hweye nanù, hwà mà hwɛ lì tàmà rzi hwa a ijòwa nanù ema, “Mamɛ e hwèlì jànda ja ene eyà e?”

Hwègbèèlì 5:25

Mòtò mɔ̀kɔ rzìi a kpèeyà lì jà lì hwa òhweyà nanù ema, “È ò kànèyà tɛ! Hwatò ema e ma ika ò hwèwòwà wɔ̀ hwaŋga ò Ndawò yà Lohwà hwa òkòlɛ̀ hwatò.”