Hwègbèèlì 5:24 - Mokpwe: Bakwery (New Testament)

²⁴ È hvònda rzɔ ema Ipìlìrzì ndɛ̀nɛ na òŋgò mòkànèlì wa pòlìrzi ema a kànèyà hwàɔŋgèlì hwa e Ndawò yà Lohwà hwà mà hweye nanù, hwà mà hwɛ lì tàmà rzi hwa a ijòwa nanù ema, “Mamɛ e hwèlì jànda ja ene eyà e?”

Hwègbèèlì 5:24 ပူးပေါင်းရင်းမြစ်များ

Lukàrzɛ̀ 22:4

Jùdàrzì rzii a ɛ̀ndɛ lì ùŋmanɛlɛ Ipìlìrzì ndɛ̀nɛ, nà hwàkànèlì hwa è Ndawò yà Lohwà rzi a hwa òhweyà, nɛ mɔ̀ à tànɛyì lì hwa àhwìrzɛ̀lɛ̀lɛ̀ Yerzù.

Lukàrzɛ̀ 22:52

Yerzù rzii à ijòwa iŋgi Ipìlìrzì ndɛnɛ̀ nà hwatimbèlì hwa merzenja hwa è Ndawò yà Lohwà, nà hwatimbèlì hwa mbòwà ema hwa mà jà lì mò ŋgbàŋgɛ̀ nanù ema, “Nà hwèlì ndi ŋmìhwɛ̀, ema è nò jàneyà ìrzɔ̀lɔ̀ nà metɔ̀nì ò lì nò ŋgbàŋgɛ̀ e?

Yòwanìrzɛ̀ 12:19

Ihvàlìrzàyì rzìi i àwòhwànɛ̀lɛ̀ mɔ̀kɔ nà ɔ̀nɛyi nanù ema, “È ɔ̀ŋgɔ tɔ̀ nàŋgɛ nanù ì rza tànɛyi lì gbeyà tɔ̀ eyà. È rze ya arzɛ e hwèlì e mò òŋgama.”

Hwègbèèlì 2:12

O lì jeja la awu na hwètàmirzelì rzìi hwa a ijòwanɛ mɔ̀kɔ na ɔ̀nɛyi nanù ema, “Mamɛ e hwèlì jànda ja enè eyà e?”

Hwègbèèlì 4:1

Pètrò nà Yòwanìrzɛ̀ hwà mà hwɛ lì òhwirzɛnɛ hwatò. Nà òma hwà mà hwɛ lì gbeyà nanù, lòŋgò la ipilìrzi na e mòkànèlì wa ipòlìrzi hwa e ndawò yà Lohwà, na lòŋgò la Rzàdòrzi hwà mà hwa jèeya.

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 5:23

“Nà òma irzɔ jò uki ò hwèwòwà, jò ùŋmanɛlɛ e ndawò ya hwèwòwà e umbahwi kilìkòtò. Hwà-ɔ̀ŋgèlì hwa arzɛ ema hwà mà hwɛ lì tɛ̀mɛ̀ ò mawòhvà mà arzɛ ò lì ɔŋgeya hwèwòwà, hwà mà tɛ̀mɛ̀ ò mawòhvà mà arzɛ. Ndi na òma irzɔ i lìhvò mawòhva, i rza ùŋmanɛlɛ tɔ̀ mòtò ò tenì.”

Hwègbèèlì 5:25

Mòtò mɔ̀kɔ rzìi a kpèeyà lì jà lì hwa òhweyà nanù ema, “È ò kànèyà tɛ! Hwatò ema e ma ika ò hwèwòwà wɔ̀ hwaŋga ò Ndawò yà Lohwà hwa òkòlɛ̀ hwatò.”

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.