Hwègbèèlì 5:22 - Mokpwe: Bakwery (New Testament)

²² Ndi na òma iŋgi rzònja i ma ùke ò hwèwòwà, hwa rzìi ùŋmanɛlɛ iŋgi àpɔ̀rzìtòlò aŋga, ò èŋgànɛ̀lɛ̀ wɔ̀ hwà mà tìmba ò lì òhweyà wòlìya nanù ema,

Hwègbèèlì 5:22 ပူးပေါင်းရင်းမြစ်များ

Matiyò 26:58

Nà òma hwa mà wòwe Yerzù, Pètrò hvɛ à mà mò nɔ̀ŋgɔ ò mburzà ŋmanà hvòka natɛ̀ɛ hwa mà jà lì kòmbɛnɛ èwòka yà ama Kàyìhvàrzì. À mà kpèeyà rzìi à lìya nà hwà-ɔ̀ŋgèlì hwa è Ndawò yà Lohwà ò lì ɔ̀ŋgɔ nɛ mòŋgò ŋmaŋgò mò ama Yerzù mò kuweya.

Hwègbèèlì 12:18

Nà òma wùùnya wò ma yahwe, hwaŋga hwàànà njuma ema hwà mà hwɛ lì ɔŋgeya Pètrò hwà mà tàmà ò màlùtèyà ma awu èhwanja hwa rzi hwiye mamɛ ema e ma gbèyɛ̀nɛ Pètrò.

Hwègbèèlì 5:23

“Nà òma irzɔ jò uki ò hwèwòwà, jò ùŋmanɛlɛ e ndawò ya hwèwòwà e umbahwi kilìkòtò. Hwà-ɔ̀ŋgèlì hwa arzɛ ema hwà mà hwɛ lì tɛ̀mɛ̀ ò mawòhvà mà arzɛ ò lì ɔŋgeya hwèwòwà, hwà mà tɛ̀mɛ̀ ò mawòhvà mà arzɛ. Ndi na òma irzɔ i lìhvò mawòhva, i rza ùŋmanɛlɛ tɔ̀ mòtò ò tenì.”

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.