Hwègbèèlì 5:21 - Mokpwe: Bakwery (New Testament)

²¹ Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.

Hwègbèèlì 5:21 ပူးပေါင်းရင်းမြစ်များ

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Lukàrzɛ̀ 22:66

Nà òmà wùùnya wò mà yahwe, hwàmbaki hwa hwatò hwa Irzàyɛ̀lì, Ipìlìrzì ndɛnɛ̀, nà hwà-òkòlèlì wa mbenda hwa mà hwɛnɛ hwèlìyelì, rzìi hwa jànà Yerzù ò hwèkàyìrzèlì hwe ndɛnɛ̀.

Yòwanìrzɛ̀ 18:35

Pìlatò rzi à timbirzɛlɛlɛ nanù ema, “Imba nà hwèlì ndi mòtò wà Yudà e? Hwatò hwa aŋgɔ̀, nà Ipìlìrzì ndɛnɛ jà aŋgɔ̀, wɔ̀ ndi hwa ò akɛlɛ ò màa mà ami. Mamɛ ò wà ò gbèyi e?”

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Hwègbèèlì 22:15

O wa o ò nò tɛ̀meyà mbòŋgi ò lì òhweyà hwatò hwa arzɛ mamɛ ema ò wa ò ɛni na lì hweyà.

Hwègbèèlì 22:5

È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

Hwègbèèlì 5:27

Hwà mà kpeyane iŋgi àpɔ̀rzìtòlò ò tenì ya wòlìya rzìi hwa hwà tɛmirzɛ ò wòrzò wò wòlìya. Aŋga ndi e Pìlìrzì ema è kàrzamì ya hwa kàyìrzɛ̀ na lì hwa òhweyà nanù ema,

Hwègbèèlì 5:34

Ndi mɔ̀kɔ wà awu wà Hvàlìrzàyì ema à mà hwɛ̀lɛ̀hwɛ̀ Gàmàlìyɛ̀lì ema à mà hwɛ ndi Mòòkòlèlì wà è mbenda ema hwatò hwa mà ŋgbe èluhwe ndɛnɛ à mà tɛ̀mɛ̀nɛ ò ŋmanyu rzi à òhweyà wòlìya nanù ema inyɛ hwa lòme lì wurzirzɛ I àpɔ̀rzìtòlò ò èwòka.

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.