Hwègbèèlì 5:16 - Mokpwe: Bakwery (New Testament)

¹⁶ Ŋgindi ya hwatò ema e ma uwɛ̀lɛ̀lɛ̀yi ò màmbowà ema mà kòmbɛ̀nɛ̀ Jèrurzalɛ̀mù, hwa jànà hwà-òkèlì hwe awu, na hwaŋga ema hwà mà tàkìrzɛ̀hwɛ na hwèlìŋgɛ̀ hwe wòhwe. I àpɔ̀rzìtòlò i ma hwa wɔ̀wìrzɛ̀ wɔ̀ hwa arzɛ.

Hwègbèèlì 5:16 ပူးပေါင်းရင်းမြစ်များ

Matiyò 2:16

Hɛ̀rɔ̀dì à mà ayèmbɛ̀ nanù ema hwàlaŋga rzòmbe hwa mò ɔ̀ɔ̀nji, à mà tàtà rzayì-rzayì. Rzìi à òma hwàànèlì hwa eni hwa njùma, ò Bɛ̀tlɛ̀hɛmù nà ò hwèrzòòkà hwe arzɛ ema hwe mà kòmbɛ̀nɛ̀, è mà hwa òŋwe hwànà hwa wunyanà hwa arzɛ ema hwa hwèlì meya mèhwàkɛ lì ɔ̀ndɔ̀. À mà gbèya ndi nanù, ò lì ɔ̀lɛ̀nɛ̀ è hvònda ema hwàlaŋga rzòmbe hwa mà mò òhwèyà ema hwa mà lòmà lì ɛnɛ è rzòmbe ema è mà uŋmɛ̀lɛ̀ hwèŋyàyèlì hwe ama Yerzù.

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 8:16

È hvònda yà è ŋgòmbe yà lohwà, hwatò hwa mà jàneyà Yerzù rzayì-rzayì ja hwatò ema hwa mà òhva hwèlìŋgɛ̀ hwe wòhwe ò tenì ja awu. Yerzù à mà gbeyànà è mbɔrzi yà eni yà wàna ò lì ulɛ̀ hweŋge hwèlìŋgɛ̀ hwe wòhwe, rzìi à wɔ̀wìrzɛ̀ hvɛ hwaŋga hwatò hwa arzɛ ema hwa mà ɔ̀kìrzɛ̀.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 6:18

Hwà mà jà ndi lì òkànèyà ŋmɛ̀ndì mò ama Yerzù nà lì wɔ̀wìrzɛ̀hwɛ la ì nyàmbɛ ja awu. È wɔ̀ ema hwà mà tàkirzɛhwɛ nà hwèlìŋgɛ̀ hwe wòhwe, wɔ̀ hvɛ hwa mà wɔ̀wìrzɛ̀hwɛ.

Lukàrzɛ̀ 9:11

Nà òmà è ŋgìndì e mà hweye nanù, hwa mà mò òŋgama aŋga rzìi hwa mò ùŋma. Yerzù à mà hwa karzɛ. À mà hwa òhweyà lì hvòmɛ̀nɛ̀ Lìkànèyà la ama Lohwɛ̀. Nà lì wɔ̀wìrzɛ̀ hvɛ è wɔ̀ ema hwà mà àrza lì wɔ̀wìrzɛ̀hwɛ.

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

1 Kɔ̀rintìyà 12:9

Molemilemi mo Èlìŋgɛ̀ yà Wòtani e gbeyà mòtò mɔ̀kɔ o lì ohva lì lòkɛ̀, lì ndɛnɛ ema Lohwà a gbeyà tɔ̀ ima eyà ema a ohwi ema a gbeyà o rzi a ŋgbaà hvɛ ohvɛhvɛ làhweyà ya lì wɔ̀wìrzɛ̀.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.