Hwègbèèlì 5:15 - Mokpwe: Bakwery (New Testament)

¹⁵ Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.

Hwègbèèlì 5:15 ပူးပေါင်းရင်းမြစ်များ

Matiyò 14:36

Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Matiyò 9:21

Oŋgò mòlanà à mà gbeyà ndì nanù èhwanja, à mà lùteyà nà mɔ̀ ŋmìti nanù ema, “A tɔ̀tì tɛ mòŋgòmbè mò eni, a wɔ̀wɔ̀.”

Makòrzì 6:55

Rzìi hwa uhweyà na lìhwaŋgi ò lì uka i njuka ja arzɛ ja èŋge erzòòkà, ò lì hwanɛ̀ hwà-òkèlì hwa arzɛ ò màkɔ̀kɔ̀, ò lì hwa ɛ̀ndɛnɛ ò hwèki hwe arzɛ ema hwà mà hweye ema Yerzù a hwèlì.

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Hwègbèèlì 28:9

Nà òma ene eyà e ma gbèyɛ̀ɛnɛ̀ nanù, hwà-òkèlì hwa èŋge erzòòkà ya arzɛ hwà mà jèeya Pàwolò rzìi a hwa wɔ̀wìrzɛ̀.

Hwègbèèlì 5:16

Ŋgindi ya hwatò ema e ma uwɛ̀lɛ̀lɛ̀yi ò màmbowà ema mà kòmbɛ̀nɛ̀ Jèrurzalɛ̀mù, hwa jànà hwà-òkèlì hwe awu, na hwaŋga ema hwà mà tàkìrzɛ̀hwɛ na hwèlìŋgɛ̀ hwe wòhwe. I àpɔ̀rzìtòlò i ma hwa wɔ̀wìrzɛ̀ wɔ̀ hwa arzɛ.