Hwègbèèlì 4:27 - Mokpwe: Bakwery (New Testament)

²⁷ È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Hwègbèèlì 4:27 ပူးပေါင်းရင်းမြစ်များ

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:6

O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Matiyò 21:28

Yerzù à mà ijòwa hvɛ ipìlìrzi ndɛnɛ na hwàmbaki hwa mbòwa nanù ema, “Nɛ inyɔ e lutanelì mònò ŋmàna e? O ma hwɛ mùnyanà mɔ̀kɔ ema à mà ŋya hwàna hwa wunyanà hwahwàkɛ. A ma ɛ̀ndɛ ò ma e ŋmanà wa mùnyanà wa wòrzò, rzi a mò òhweyà nanù ema, ‘È ŋmanà wa ami wa mùnyanà kòkò, ɛ̀ndɛ ò gbèèye èwòlò yawònò ò hvaya.’

Matiyò 23:37

“Bɔ̀ɔ! Inyɔ hwatò hwa Jèrurzalɛ̀mù, hwatò hwa Jèrurzalɛ̀mù! Inyɔ ema e ma òŋwa hwà-òhwèlì hwa hwèlìŋgɛ̀. Inyɔ ema e ma aŋgba hwaŋga hwatò ema hwà mà òmàhwɛlɛ màŋyàyi. È hwi ŋgelì iti ema nà mà kekɛ lì rzaŋga hwàna hwa anyu nàa wuhwa ema e gbiyama i ŋguma jà eni ò tenì ya mahvahve mà eni e? Ndi inyɔ e rza emeyà.

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Makòrzì 10:33

À mà hwa òhweyà nanù ema, “È hwiye nanù ema ja agba ndi ò Jèrurzalɛ̀mù, aŋga ndì è Ŋmanà wà è Mòtò wà Hwènàmà a hwɛnì lì ŋgbààhwà ò màà mà è Ipìlìrzì ndɛnɛ nà hwà-òkòlèlì hwa mbenda. Wɔ̀ hwa mò akɛlɛlɛ è mbàkò ya kpelì, rzìi hwa mò akɛlɛ ò màà mà hwatò ema hwa rza enje hwatò hwa Irzàyɛ̀lì.

Makòrzì 15:31

Nànù mɛnɛ hvɛ ndi, Ipìlìrzì ndɛnɛ̀ nà hwà-òkòlèlì hwa mbenda hwa mà hwɛ lì mò kùwa. Hwà mà hwɛ lì a òhwanɛ̀ wɔ̀ hwìti nanù ema, “À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti.

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 22:63

È wɔ̀ ema hwà mà hwɛ lì mò ɔ̀ŋgeyà hwa mà mò kikòwa nà lì mò ànana.

Lukàrzɛ̀ 23:1

Hwatìmbèlì hwa mbòwà hwa àrzɛ rzìi, hwa tɛ̀mɛ̀, hwa ɛ̀ndɛnɛ Yerzù ò wòrzò wò ama Pìlatò.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Yòwanìrzɛ̀ 1:11

A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:29

O èŋgànɛ̀lɛ̀ Pìlatò à mà wurza ò lì hwa ùŋmanɛlɛ rzìi a hwa ijòwa nanù ema, “Ima njɔ̀mi e lu lì teŋgɛ̀nɛ̀ ònò mòtò e?”

Yòwanìrzɛ̀ 19:34

Ndi tɔ̀ nanù ŋmanèlì wa njuma mɔ̀kɔ à mà mò uŋmana lìyɔ̀ŋgɔ̀ ò tòŋgòŋgò ya eni. Lìwòkìmɛnɛ rzìi màyija na malìhwa rzìi ma wurza.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.