Hwègbèèlì 4:17 - Mokpwe: Bakwery (New Testament)

¹⁷ O lì arza nanù ema mònò ŋmɛ̀ndì mò rzi nyàla ò ekì ya arzɛ, inyɛ i hwa kòkòhwɛ̀lɛ̀ kɔ̀yi-kɔ̀yi nanù ema, hwa rzi keka lì òhweyà tɔ̀ mòtò eyà lì hvòmɛ̀nɛ̀ Yerzù.”

Hwègbèèlì 4:17 ပူးပေါင်းရင်းမြစ်များ

Matiyò 27:64

O èŋgànɛ̀lɛ̀ akɛlɛ lìlò nanù ema eŋge rzɔ̀ŋgɔ̀ e ɔ̀ŋgɔ̀hwɛlɛ natɛ̀ɛ na wùùnya ema wò ùkirzɛ̀ menya meyawò, aŋga nanù Hwà-òkòwèlì hwa eni hwa rza ihwa èembè ye eni, rzìi hwa ja lì òhweyà hwatò nanù ema, à mà hvùmùlɛhwɛ ò kpelì. Ène eyà ya lì kɔ yò ò lòkɛ̀hwɛ lì aka hweyà wa eni hwe lì kɔ hwe wòrzò.”

Matiyò 9:30

Lìwòkìmɛ̀nɛ̀ rzìi hwa ma wòteyà lì ɛnɛ̀. Yerzù rzìi a hwa kòkòhwɛ̀lɛ̀ kɔ̀yi-kɔ̀yi nanù ema, “È rzìi òhweyà tɔ̀ mòtò ene eyà ema e gbèyɛ̀nɛ̀.”

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 5:24

È hvònda rzɔ ema Ipìlìrzì ndɛ̀nɛ na òŋgò mòkànèlì wa pòlìrzi ema a kànèyà hwàɔŋgèlì hwa e Ndawò yà Lohwà hwà mà hweye nanù, hwà mà hwɛ lì tàmà rzi hwa a ijòwa nanù ema, “Mamɛ e hwèlì jànda ja ene eyà e?”

Hwègbèèlì 5:28

“I ma e kòkòwɛ̀lɛ̀ nanù ema, e rzi keka lì òkòlɛ̀ eyà ò lìna lì ama ònò mòtò, ndi inyɔ e ma òndìrzɛ̀ e mbòwà ya Jèrurzalɛ̀mù na hwèyòkòlèlì hwe anyu. Ndeŋgànɛ̀lɛ̀ inyɔ ya arza lì òhwa nanù ema irzɔ ndi jò òŋwi ònò mòtò.”

Ɛ̀hvìrzìyà 6:9

Inyɔ hwatò ema è ohvi hwàkòmì è ɔŋgeya hwàkòmì hwa anyu gbamù. È rzìi hwa kàkɛ̀nɛ̀ nanù ema hwa ò taka. È hwiye nanù ema inyɔ nà wɔ̀ hwa arzɛ è hwèlì ndi ò rze yà è mbenda. È mɔ̀ ema mɔ̀ mɛnɛ ndi à hwèlì ò ŋmanyu yà Lohwà, ndèŋgàna mɔ̀ à rza tìmbana tɔ̀ mòtò mburzà.

1 Tɛ̀rzàlonìyà 1:8

Inyɔ ndi è gbèyi ndèŋgànà ŋmɛ̀ndì mò gbamù mò ama è Rzàŋgo mò hwɛ̀ɛ̀nɛ̀yi ò hwehvɛhvɛ hwèki. Rzeketɛ ò erzòòkà yà Màrzèdonìyà nà Àkayiyà mɛnɛ ndi mò hwɛ̀ɛ̀nɛ̀yi. Ndi nà oma inyɔ è lòkɛ̀ Lohwɛ̀, mò hweyàhwì èki yà arzɛ. Ò eŋgànɛ̀lɛ̀ ò rza enje hvɛ tɔ̀ lìtiŋga ema irzɔ jò òhwa ene eyà hvɛ lì è hvomɛ̀nɛ̀.

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.