Hwègbèèlì 3:25 - Mokpwe: Bakwery (New Testament)

²⁵ Eyà ema Lohwɛ̀ à mà òhwe lì akeyà na hwà-òhwèlì hwa hwèlìŋgɛ̀, e ma hwɛ ndi lì e hvòmɛ̀nɛ̀, inyɔ hvɛ e hwɛni lìkayi ò yòòmbò ema Lohwɛ̀ à mà aàtɛ na imbamba ja anyu ja kòhwa. Lohwɛ̀ à mà òhweyà Abràhamù nanù ema, ‘Nà ò nàmìrzɛ̀ hwatò hwa arzɛ ò rze ya mɔ̀nyɛ̀ lì akeyà na e nyɔ̀ŋgɔ̀ni ya aŋgɔ.’

Hwègbèèlì 3:25 ပူးပေါင်းရင်းမြစ်များ

Lukàrzɛ̀ 1:72

Lohwɛ̀ à mà uŋmɛ̀lɛ̀ irzàŋgo ja arzu ììlì ema a mà hwa kàkɛ̀nɛ̀. Nànu hvɛ ndi à ɔ̀ŋgɛlɛ è hweyì yà eni yà wòtani,

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 2:39

Lini lì kàkɛ̀nɛ̀ lì hwèlì ndi è la anyu na hwàànà hwa anyu na hwaŋga hwatò ema hwa rzɔlɛnɛyi ema hwa rza enje wònyà Yudà. È hwèlì ndi nàa tɔ̀ ima mòtò ema Rzàŋgò ya arzu Lohwɛ̀ à mà hwɛlɛ ò lì hwɛ na mɔ̀.”

Ròmànì 15:8

Nà e òhweyà nanù ema, Krirztò à mà timba ndi mògbèèlì wa wònyà Yudà ò lì uŋmɛ̀lɛ̀ nanù ema Lohwɛ̀ a hwèlì jɔ̀kɛ̀, ò lì òndìrzɛ̀ lì kàkɛ̀nɛ̀ ema à mà ika na imbamba ja awu jò ò gbèyɛ̀nɛ na e jɔ̀kɛ̀.

Ròmànì 4:13

Mamɛ ema i hwi e hwèlì ndi nanù ema, natɛ̀ɛ na e kòhwa Lohwɛ̀ a mà òhweyà Abràhamù nà e nyɔ̀ŋgɔ̀nì ya eni nanù ema a hwa ŋgba è rze ò màà mà awu. Lohwɛ̀ a rza òhwe ndi nanù èhwanja Abràhamù à mà ika e mbenda, Lohwɛ̀ à mà òhwa ndi nanù èhwanja Abràhamù à mà mò lòkɛ̀ ndèŋgàna Lohwɛ̀ à mà mò wòwa ndi nàa mòtò ema à tɛmi ehve-ehve nà Lohwɛ̀.

Gàletìyà 3:16

Nàŋgɛ rzɔ, Lohwɛ̀ à mà gbeyà lì kàkɛnɛ là eni nà Abràhamù, nà ŋmanà eni. Èya yà Lohwà è rza ohwi nanù ema, “Hwàna,” ò à ɛnɛ oma hwatò hwa koki. Ndi Eyà yà Lohwà è ohwi nanù ema, “Ŋmanà.” Krirztò ndi à hwèlì oŋgo Ŋmanà.

Gàletìyà 3:29

Nà oma è hwèlì ndi hwatò hwa ama Krirztò, è hwèlì ndi hwàanà hwa ama Abràhamù, ndèŋgàna inyɔ è luwa mònàmɛ̀ ema Lohwɛ̀ à mà kàkɛ̀nɛ nanù ema à ŋgba Abràhamù.

Gàletìyà 3:8

Eyà yà Lohwà è mà lòma lì ohwa nanù ema, Lohwɛ̀ à ò wòwà hwaŋga hwatò ema hwa rza enje wònyà Yudà nàa hwatò hwa eni èhwanja hwa mò lòkɛ̀yì. Ène eyà è mà hwiyɛnɛ lì wòteyà lìrzako ema Lohwɛ̀ à mà òhweyà Abràhamù nanù ema, “Lì akeyà nà ò wà, imba nà à ò nàmìrzɛ̀ hwèkòmè hwa arzɛ hwe è rze yà mɔ̀nyɛ̀.”

Hwèwulùwèlì 14:6

Nà mà ɛnɛ ehvɛhvɛ aŋgèlì è kòòhwà hvòò ò ŋmanyu yà lìwòhwɛ̀ là ŋmanyu. Èŋge aŋgèlì è mà jànà ŋmɛ̀ndì mò gbamù ema mò hwèlì natɛ̀ɛ nà ò gbìndèyà. Moŋgo ŋmɛ̀ndì mò gbamù mɔ̀ ndi à mà hwɛ lì ohweyà hwatò ema hwa hwèlì ò è rze yà mɔ̀nyɛ̀, nyàyi nà nyàyi jà hwatò, màtumba nà màtumba, nyàyi nà nyàyi jà mbɔrzi nà hwèkòmè nà hwèkòmè.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.