Hwègbèèlì 3:21 - Mokpwe: Bakwery (New Testament)

²¹ Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

Hwègbèèlì 3:21 ပူးပေါင်းရင်းမြစ်များ

Lukàrzɛ̀ 1:70

Nà òmà a mà òhwe nà è kòhwa, à mà òma Hwà-òhwèlì hwa eni hwa Hwèlìŋgɛ̀ hwa wòtani ò lì òhwa nanù ema,

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Hwègbèèlì 3:20

È gbèyi tɛ nanù, e hvònda e ò jà ema Rzàŋgò à ye lɔ̀kɛ̀ mèèmà me anyu. O eŋge hvònda ndi mɔ̀ à e òmeya è Mɔ̀ ema à Ɔ̀kirzɛ̀hwɛ̀yi ema a hwɛ̀lɛ̀hwɛ̀ Yerzù ema a e hvɔ̀rzèlì.

Ròmànì 8:21

mɔ̀ à ò rzòlòwa hweŋge hwema ò e ŋgɔkɔhwi ya ndùtù ema e hwe kaki nanù ema hwe rzɔmbe. Hweŋge hwema hvɛ hwe ò luwa wònja ò lì luwa nyayi hvɔ̀kɔ ya èluhwe ema Lohwɛ̀ a ŋgba hwàanà hwa eni.

Hibrù 1:1

Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 22:6

È aŋgèlì rzìi e no òhweyà nanù ema, “Hwene hweyà ema na o ohweyà hwe hwèlì ndi e jɔ̀kɛ̀ o eŋgànɛlɛ e àŋgàmɛ̀nɛ̀ lì hwe lòkɛ̀. È Rzàŋgo, Lohwɛ̀ ema a ŋgbàà hwà-òhwèlì hwa hwèlìŋgɛ̀ elìŋgɛ̀ ya eni, aŋga nanù hwa ohwa ŋmɛ̀ndì mo eni, mɔ̀ à mà oma e aŋgèlì ya eni o lì uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ̀.”