Hwègbèèlì 28:8 - Mokpwe: Bakwery (New Testament)

⁸ Publìyùrzì rzàŋgò wa eni à mà nàŋga ò lìnɔ̀ŋgɔ̀ na nyambɛ. A ma òhva ŋgɔ̀wu, rzìi a à nyàànà hvɛ na e mbàta. Pàwolò à mà ɛ̀ndɛ lì mò ùŋmanɛlɛ ò tùu rzìi a mò hwàkɛ màà mà eni, a mò kànɛlɛlɛ rzìi a mò wɔ̀wìrzɛ̀.

Hwègbèèlì 28:8 ပူးပေါင်းရင်းမြစ်များ

Matiyò 10:1

O mburza hvònda Yerzù à mà rzàŋga lìyòmɛ̀ la eni la Hwà-òkòwèlì nà hwàhwàkɛ̀. Rzìi à hwa ŋgbà è wònjà ya lì hvayà hwèlìŋgɛ̀ hwe wòhwe ò inyò ja hwatò, na ò lì wɔ̀wìrzɛ̀ hwà-òkèlì nà inyayi ja nyàmbɛ̀ ja arzɛ.

Matiyò 10:8

È wɔ̀wìrzɛ̀ e wɔ̀ hwa nyàmbɛ, e hvùmùlɛ̀ hwaŋga ema hwa ma ŋwɛɛ. È wɔ̀wìrzɛ̀ hvɛ tɔ̀ hwaŋga hwatò ema hwa òhvi i nyàmbɛ ja mɛ̀lɔ̀ŋgɔ. È hvàye hvɛ hwèlìŋgɛ̀ hwe wòhwe ò tenì ja nyò ja hwatò. Nà ma e ŋgbà e ŋginyà ya lì gbeyà hwene hweyà hwe arzɛ na rza ijòwi tɔ̀ itàŋgi, ò èŋgànɛ̀lɛ̀ inyɔ hvɛ e ɛndɛ e gbèèye nanù mɛnɛ, e rzi ijòwa tɔ̀ itàŋgi.

Matiyò 12:13

Yerzù rzìi a òhweyà òŋgò mòtò ema à mà ɔ̀kirzɛ̀ mɔ̀ɔ̀ mò njɛmbu nanù ema, “Ènyòwa mɔ̀ɔ̀ mò aŋgɔ̀.” A ma enyòwa mɔ̀ɔ̀ mò eni, rzìi mò wɔ̀hweyà gbamù nàa mɔnɛ̀yi mɔ̀.

Matiyò 9:18

Nà òma Yerzù à mà hwɛ lì òhwa hwenè hweyà nanù, mòkànèlì mɔ̀kɔ rzìi a jà a mò rzùmeya màwɔ̀ŋgɔ̀ŋgɔ̀ a mò òhweyà nanù ema, “È ŋmanà wa ami wa ŋgɔ̀ndɔ̀ a undɛ̀nɛ̀yi naŋgɛ-naŋgɛ. Ndi jà, ò mò hwàkɛ lìya la aŋgɔ̀ ò nyò ya eni, aŋga nanù a tìmba ò lòŋgɛ.”

Makòrzì 16:18

Wɔ̀ wò ò lɛ̀mbɛ hvɛ màahwa na màà mà awu, ndi maŋga mààhwà mà rza ò hwa gbeyà tɔ̀ Èya. Tɔ̀ hwa nyɔ ndi tɔ̀ mamɛ ema e jɔ̀kɔ̀hwi, e rzà hwa gbeyà tɔ̀ Èya. Wɔ̀ hwa ò hwàkɛ màà mà awu ò hwatò ema hwa ɔ̀kìrzɛ, ndèŋgànɛ̀lɛ̀ hwaŋga hwà-òkèlì, hwa ò wɔ̀wìrzɛ̀hwɛ.”

Makòrzì 5:23

A mò atɛkɛ nà ŋginyà nanù ema, “È ŋmanà ŋgɔ̀ndɔ̀ wa ami à hwèlì ndi ò mòhvèhvè mò kpelì, rzònì jà ò mò hwàkɛ màà mà aŋgɔ̀ a wɔ̀we, a hwɛ lòŋgɛ.”

Makòrzì 6:5

A rzìi tanɛ̀ lì gbeyà mànyakà aŋga, ndi lòŋgò la hwatò hwà mà ɔ̀kirzɛ̀ ndi à mà hwa hwàkɛ màa rzìi a hwa wɔ̀wìrzɛ̀.

Makòrzì 7:32

Lòŋgò la hwatò rzìi hwa mò jàneya mòtò ema a rzìi hvɔ̀ŋgɛ̀, a rzi tanɛ hvɛ lì òhwa gbamù. Hwa mà rzòrzòmeya Yerzù nanù ema a mò hwàkɛ màà mà eni.

Lukàrzɛ̀ 13:13

A mò hwàkɛ lìya la eni. O wòtɛmɛ̀tɛmɛ̀ òŋgò mòlanà a tɛnɛ̀nɛ, a wòteya lì ŋgbàà Lohwɛ̀ jeka.

Lukàrzɛ̀ 4:40

È hvònda igbe ì mà wòteya lì ɔ̀ndɔ̀meyà, hwa mà mò jàneya hwà-òkèlì hwa nyayi nà nyayi ja nyàmbɛ. À mà kùwa lì hwa hwàkɛ màà mà eni, rzìi hwa arzɛ hwa wɔ̀wɔ̀.

Hwègbèèlì 28:7

Lì kòmbɛ̀nɛ̀ èŋge rzàawa ya ŋmànja ò èŋge èki ema i ma hwɛ, ò ma hwɛ mbòtà ema e ma hwɛ̀nɛ̀hwɛ̀ na e mòtò ema à mà hwɛ e mòkànèlì mòndɛnɛ wa eŋge èki ema e ma tòŋgahwà na màlìhwa, à mà hwɛ̀lɛ̀hwɛ̀ ndi Publìyùrzì. A ma jò kàrzɛ rzìi a jò wòŋgòwa ò menya meyawò.

Hwègbèèlì 28:9

Nà òma ene eyà e ma gbèyɛ̀ɛnɛ̀ nanù, hwà-òkèlì hwa èŋge erzòòkà ya arzɛ hwà mà jèeya Pàwolò rzìi a hwa wɔ̀wìrzɛ̀.

Hwègbèèlì 9:40

Pètrò à mà hwa wurzirzɛ hwa arzɛ ò tenì ya eŋge tùu, rzìi a rzùma màwɔ̀ŋgɔ̀ŋgɔ̀ ma eni ò rze, rzìi a wòteyà ò lì kànɛ̀. Rzi a àyèŋgòwɛ̀lɛ̀lɛ̀ mòŋgò ŋmìmbà, a òhwa nanù ema, “Tàbità, tɛ̀mɛ̀nɛ ò ŋmanyu!” Tàbità à mà kutuwa mìirzɔ ma eni. Nà òma à mà ɛnɛ Pètrò rzìi a tɛ̀mɛ̀nɛ̀.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 12:9

Molemilemi mo Èlìŋgɛ̀ yà Wòtani e gbeyà mòtò mɔ̀kɔ o lì ohva lì lòkɛ̀, lì ndɛnɛ ema Lohwà a gbeyà tɔ̀ ima eyà ema a ohwi ema a gbeyà o rzi a ŋgbaà hvɛ ohvɛhvɛ làhweyà ya lì wɔ̀wìrzɛ̀.