Hwègbèèlì 28:23 - Mokpwe: Bakwery (New Testament)

²³ O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 28:23 ပူးပေါင်းရင်းမြစ်များ

Makòrzì 4:34

A rzi hwa òhweyà tɔ̀ Èya e rzìi hwɛ lì hwa kpɛ̀ɛyà ŋmàna. Ndi tɔ̀ ima hvònda ema a mà hwɛ mɔ̀ ŋmìti nà Hwà-òkòwèlì hwa eni mɛnɛ à mà hwa òhweyà jànda ja mene meyàna.

Lukàrzɛ̀ 16:28

Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Hwègbèèlì 18:28

O hvenda ya eni ya ŋginyà mɔ̀ à mà rzuwàna wònyà Yudà ò hwèki hwe ŋgìndì. Mɔ̀ à mà hwa telɛlɛ lì akeyà na e kààtì ya Lohwà nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 26:6

O yàwònò imba na tɛmi ndi anù ò lì kàyìrzɛ̀hwɛ na ò wa ehwànja na lòkɛ̀ nanù ema Lohwɛ̀ a òndìrzɛ lì kàkɛ̀nɛ la eni ema à mà kàkɛ̀nɛ imbamba ja arzu.

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Hwègbèèlì 8:35

Hvìlìpì rzìi a wòteyà lì mò òhweyà Ŋmɛ̀ndì mò Gbamù mò ama Yerzù, rzìi a mò telɛlɛ hweyà hwe arzɛ ò lì wòteyà na ene èhvàrzù.

Hvìlɛ̀mɔ̀nì 1:2

I kɔ̀mi hvɛ Ahvìyà, e ndòmɛ ya arzu wa ama Krirztò. I kɔ̀mi hvɛ Achipurzi, ema mɔ̀hvɛ a ohwa ŋmɛ̀ndì mò gbamù na e ŋginyà ya eni ya arzɛ na oma irzɔ hvɛ i gbeyà. Ndèŋgànɛlɛ i kɔ̀mɔ̀ hvɛ wònyànyàŋgo hwa arzu hwa ŋmèmba ema hwa tàneya o ndawò ya aŋgɔ.

Hvìlɛ̀mɔ̀nì 1:22

Èhvɛhvɛ eyà ema imba nà ohwi nanù ema nà ò òhweyà è hwèlì ndi nanù ema, ò nò rzèkeyà tùù hvɔ̀kɔ ò ndawò yà aŋgɔ̀, èhwanja nà lòkɛ̀yì nanù ema Lohwɛ̀ à ò è hweyànà màkanɛ̀ mà anyu, à ò nò ulɛ̀ ò hwèwòwà oma nà mà è uŋmànɛ̀lɛ̀ hvɛ.